Proxecto A Mar de Rico

O proxecto A MAR DE RICO, desenvolvido por Fundamar, a Confraría de Pescadores de Vigo e a Unión de Coopererativas EspazoCoop, e que conta co financiamento da Rede Eusumo, procura fomentar o consumo de produtos da pesca artesanal, impulsar a alimentación sustentable e fortalecer a economía social.

Para acadar os nosos obxectivos contamos coa participación de alumnado de FP de comercio e márketing, para elaborar propostas de emprendemento dirixidas a promover o consumo de produtos pesqueiros, como fonte de alimentación sustentable e apoio á economía local , en resumo, impulsar hábitos de consumo responsable.

EspazoCoop imparte charlas de emprendemento cooperativo no marco de A Mar de Rico

A iniciativa consta de varias fases como é a súa presentación, e as etapas de investigación, emprendemento e promoción dos proxectos e propostas elaboradas polo alumnado dos centros. Neste contexto EspazoCoop imparte 3 charlas de divulgación cooperativa, coa finalidade de promover o modelo e contribuír á elaboración de propostas de emprendemento dos estudantes participantes.

Axenda das charlas

Programáronse 3 charlas o día 16 de marzo de 2026 en Vigo, nos centros:

• Colexio Mendiño S. Coop. Galega
• Colexio Fillas de María Inmaculada
• IES da Guía