Desde a Dirección Xeral de Traballo e Economía Social da Consellería de Traballo e Benestar, teñen programada a celebración dunha Xornada de fomento do cooperativismo co título “COÑECE A FÓRMULA COOPERATIVA”, que se enmarca dentro das actividades organizadas pola Rede Eusumo en novembro no seu plan de actuación 2014.
A Xornada celebrarase o martes 25 de novembro de 2014, en horario de 16:30 a 18:30 h. O lugar de celebración será o Concello de Viveiro, situado na Praza Maior nº1.
A actividade está dirixida a persoas interesadas no modelo empresarial cooperativo como forma de autoemprego, con especial interese ás persoas cunha idea de negocio, desempregados/as e autónomos/as.
Con este tipo de actividades preténdese dar a coñecer a fórmula cooperativa como modelo empresarial axeitado para emprender nos momentos actuais. Os asistentes poderán formarse a través dunha xornada práctica na que se tratarán os seguintes temas:
– Pasos a dar para a creación do teu proxecto cooperativo.
– Características e vantaxes do autoemprego baixo esta fórmula empresarial.
– Programas de axuda ao emprendemento.
Fai clic :
Coñece a Fórmula Cooperativa – Díptico
Coñece a Fórmula Cooperativa – Cartel
E-mail: info@eusumo.coop ou – teléfono 981558008. Web: www.eusumo.coop – www.cooperativasdegalicia.com
