Webinario: O modelo da empresa cooperativa, en colaboración co Igape

 

 

O Igape en colaboración con EspazoCoop fomenta o cooperativismo e na súa programación de eventos da Oficina Económica de Galicia do mes de outubro organiza un webinario sobre cooperativas que será impartido pola Unión de Cooperativas.

A cita é o xoves, 23 de outubro, ás 13 horas, unha sesión en liña onde coñecerás as características das empresas cooperativas, as súas tipoloxías e a súa organización como fórmula para o emprendemento, a transformación empresarial ou o consumo colectivo.

Inscríbete ao evento neste enlace

 

A Oficina Económica de Galicia é o punto de acollida centralizado e singular da Xunta de Galicia para facilitar e axilizar a implantación, posta en marcha e desenvolvemento das iniciativas empresariais en Galicia ás empresas e ás persoas autónomas ou emprendedoras mediante a prestación de servizos de información, atención, asesoramento, acompañamento e soporte individualizado, personalizado e especializado e mediante a coordinación co resto de consellerías.

Web da Oficina Económica de Galicia neste enlace