Webinar: Plan operativo de implantación de ODS para o impulso do emprendemento na economía social

 

 

 

 

A Unión de Cooperativas Galegas EspazoCoop, no marco do proxecto ES-Factory, celebrará o vindeiro martes 29 de setembro de 2026 o webinar de Presentación do Plan operativo de implantación de ODS para o impulso do emprendemento na economía social, de 10.30 a 13 h. Será presentada por Dalle que Dalle S. Coop. Galega, quen realizou o plan para EspazoCoop e o proxecto ES-Factory: Rede de aceleradoras de economía social para impulsar e consolidar empresas en novas economías emerxentes na Eurorrexión Galicia-Norte de Portugal.

Con este webinar poderás coñecer o Plan operativo de implantación de ODS así como a ferramenta desenvolvida, a través dunha presentación do recurso e unha demostración práctica sobre a propia ferramenta.

Obxectivos do webinar

  • Comprender o marco da Axenda 2030 e o papel das entidades de economía social na súa implantación
  • Identificar os ODS prioritarios para cooperativas e outras entidades da economía social
  • Presentar o Plan de implantación dos ODS desenvolvido no marco deste proxecto, neste enlace, adaptado a diferentes tamaños e sectores
  • Mostrar o funcionamento da ferramenta que acompaña a este plan, neste enlace, deseñada para facilitar o diagnóstico, planificación e seguimento
  • Realizar un exercicio práctico para poder ver como aplicar o plan e a ferramenta nun caso real
  • Favorecer a reflexión estratéxica e a integración dos ODS na gobernanza e na xestión diaria

[ PROGRAMA DA SESIÓN online – 10.30 a 13 h ]

Benvida e contextualización

  • Breve presentación do proxecto ES-Factory
  • Breve introdución ao papel da economía social na Axenda 2030

Os ODS como marco estratéxico para a economía social

Por que os ODS son unha oportunidade para cooperativas e entidades sociais

Plan de implantación dos ODS nunha entidade de economía social

O proceso de implantación:

  • Diagnóstico inicial: identificación de ODS diana ou prioritarios, e metas chave
  • Identificación de axentes chave
  • Avaliación
  • Plan de acción: cronograma, responsables, recursos, seguimento e avaliación
  • Comunicación e transparencia

Presentación da ferramenta

Exercicio práctico guiado

Preguntas e debate aberto

👉 👉 Inscrición ao webinar > neste enlace | Cartel > aquí

O webinar do proxecto ES-Factory, enmárcase no bloque de actividades 4: Desenvolvemento do Observatorio social da eurorrexión Galicia e Norte de Portugal e impulso da valorización e visibilización da economía social. Neste marco, ademais do desenvolvemento dunha metodoloxía que permita a medición e comparativa das entidades da economía social, que está en curso, desenvolveuse  o Atlas de Entidades de Economía Social da Eurorrexión Galicia-Norte de Portugal, e o Observatorio de Economía Social da Eurorrexión.

CONVOCA: Unión de Cooperativas Galegas EspazoCoop

INICIATIVA NO MARCO DOS PROGRAMAS:

Proxecto 0259_ES_Factory_1_E que está cofinanciado polo Fondo Europeo de Desenvolvemento Rexional FEDER no marco do programa Interreg VI A España – Portugal 2021-2027.