Roteiro Cooperativo por Santiago de Compostela

O Concello de Santiago de Compostela e a Unión de Cooperativas EspazoCoop promoven o ROTEIRO COOPERATIVO, unha iniciativa que se desenvolve dentro do programa `Impulsando un ecosistema emprendedor na economía social´, dando continuidade á alianza que ambas entidades desenvolven nos últimos anos para fomentar o modelo cooperativo.

A actividade, que inicia o próximo 6 de xullo, consiste nunha ruta guiada por Santiago de Compostela para coñecer 4 cooperativas da cidade e achegarse ao cooperativismo e a economía social. A través dela identifícanse cooperativas que están presentes no día a día da cidadanía, ao tempo que se promociona o modelo cooperativo con proxectos viables, realizando tamén un labor didáctico ao redor do autoemprego colectivo.

O seu obxectivo é divulgar o cooperativismo e os seus valores, a través desta ruta na que descubrir de preto cooperativas da cidade de sectores moi diferentes. Porque a economía social está moito máis presente na sociedade do que pensamos!

Coñece o traballo e o potencial do cooperativismo nun roteiro por Santiago de Compostela

As cooperativas que se visitarán e que participan no Roteiro Cooperativo son o cinema Númax, o centro de ioga Almazen de Yoga, a tenda de marcas culturais galegas Creativas Galegas e a escola de música Conservatorio Histórico de Santiago.

Folleto informativo do Roteiro Cooperativo, neste enlace