Axenda o Día! : “Xornada Cooperativismo de Consumo e Comunidades Enerxéticas”, transformando o modelo de consumo

Xa temos día para a “Xornada de Cooperativismo de Consumo e Comunidades Enerxéticas”, para tratar respostas cooperativas ás formas de consumir, outras maneiras de entender e practicar o consumo e como contribuír á transición ecosocial en sectores emerxentes como as enerxías renovables, economía circular, ou a vivenda en cesión de uso.

O cooperativismo galego vive un momento de crecemento sostido, onde as cooperativas de consumo representan unha parte estratéxica en impacto social, neste sentido, en EspazoCoop contamos cunha Sectorial de Consumo para favorecer a interrelacción e os grupos de traballo independentes, ademais, desenvolvemos o Proxecto Ec4Rural: Transición enerxética limpa no rural a través das comunidades enerxéticas, liderada pola UVigo, nun consorcio de socias de Estonia, Bélxica e España, que promoven a creación de enerxía comunitaria, a participación cidadá e a capacitación local para a transición enerxética. Hai 22 concellos do rural implicados no seu desenvolvemento.

Neste contexto, xurde a necesidade de celebrar a xornada do día 8 de outubro para promover o cooperativismo de consumo como vía para o desenvolvemento de comunidades enerxéticas locais, de vivendas en cesión de uso, e outras. Difundir o concepto e conectar cooperativas, asociaciacións, comunidades de montes, administracións e cidadanía a través da promoción de cooperativas de consumo, así como transferir coñecemento e metodoloxías en EC4Rural, é parte dos obxectivos do encontro.

Falaremos da situación do cooperativismo de consumo e das comunidades enerxéticas, analizaremos os principais retos e oportunidades con representantes de proxectos en marcha, presentaremos casos reais e aprendizaxes clave, en especial a vivenda en cesión de uso, presentaremos a formación online de EC4rural (nun formato Mooc), e finalizaremos cun xantar compartido no espazo do proxecto Guardabosques (Ecooo S. Coop.) que acollerá esta xornada.

• Cando e onde? Será o día 8 de outubro en Guardabosques (Ecooo S. Coop.) na Aldea de Donelle – Gundivós (Sober). Ubicación: neste enlace en horario de 10 a 13.30 h.
• Inscrición:  Formaliza a túa  👉 inscrición
• Cartel-programa: neste enlace

PROGRAMA

10.00h Recepción e café de benvida.

10.30h Relatorios – Situación do cooperativismo de consumo e promoción das comunidades enerxéticas renovables.

10.50h Mesa – Análise dos principais retos e oportunidades: trámites administrativos, financiamento, inclusión social e escalabilidade.

11.40h Pausa

11.50h Mesa – Casos reais e aprendizaxes clave. Cooperativas de consumo e innovación social: a vivenda en cesión de uso.

12.50h Presentación de aprendizaxes de EC4RURAL – Presentación e lanzamento da formación Acción colectiva para a transición enerxética.

13.10h Debate aberto

13.30h Peche institucional

13.45h Xantar

Esta iniciativa realízase no marco e co apoio dos programas:

– Proxecto EC4Rural : Transición enerxética limpa no rural a través das comunidades enerxéticas. Financiado por LIFE Clean Energy Transition sub-programme, e liderado pola Universidade de Vigo.