Novas cooperativas socias

Damos a benvida a 3 novas cooperativas que veñen de incorporarse como socias á Unión de Cooperativas EspazoCoop.

Para dalas a coñecer publicamente e entre as demais socias, presentámolas brevemente e reseñamos os seus espazos na rede.

 

 

 

 

ALCRIQUE

Tipoloxía: cooperativa de traballo asociado xuvenil. Lugar: Tomeza (Pontevedra). Actividade: realizan as seguintes actividades:

  • Produción agrícola e gandeira, incluíndo a produción orgánica, en superficies a ceo aberto ou en invernadoiro.
  • Comercialización de produtos hortofroitícolas, confituras e herbas aromáticas para infusionar.
  • Asesoramento e consultoría técnica.

Web: http://alcriquedaterra.com

SALGUEIRIÑOS DE CONSUMO

Tipoloxía: cooperativa de consumo. Lugar: Santiago de Compostela (A Coruña). Actividade: ten por obxecto a procura de bens e servizos para o consumo das súas socias-os e das persoas das unidades familiares coas que convivan.

As actividades que desenvolve, dirixidas a satisfacer necesidades de consumo, abarcan dende a procura de bens e servizos didácticos, culturais, de ocio e tempo libre, ata a de artigos de consumo, uso, vestido,  mobiliario e demais elementos propios da economía doméstica nas mellores condicións de calidade, información e prezo.

Tamén conta, entre os seus obxectivos, a defensa e promoción dos dereitos das persoas consumidoras e usuarias, o fomento do consumo responsable e sostible e a promoción do cooperativismo e outras fórmulas de economía social.

Web: http://www.sconsumo.com

 

MIUDIÑO

Tipoloxía: cooperativa de traballo asociado. Lugar: Vigo (Pontevedra).  Actividade: realiza actividades nestes campos:

  • Promoción cultural

  • Fabricación de xoguetes

  • Editorial

  • Educación non formal

Esta cooperativa de traballo asociado ubicada en Vigo conta ademais cunha Tenda en liña.

Web: https://miudinho.gal

>> Lembra que podes coñecer máis cooperativas socias, coas que intercooperar ou colaborar, no Directorio de Cooperativas da web de EspazoCoop.