Xornada ‘Tecendo Redes’ | 20 de xullo

[Unha actividade dentro do Programa ‘Impulso dun ecosistema emprendedor na economía social’, no marco de Compostela Móvese 2022, do Concello de Santiago de Compostela].

A xornada online Tecendo Redes para o Emprendemento na Economía Social é unha acción do programa de colaboración que EspazoCoop realiza co Concello de Santiago de Compostela durante 2022.

Celébrase o mércores 20 de xullo de 10 a 14 horas, a través da plataforma Zoom, e está dirixida a persoas que realizan labores de recomendación, orientación e asesoramento ao emprendemento da área de Santiago.

Busca conformar e reforzar redes de traballo entre as persoas e entidades do ecosistema prescriptor, dinamizar o traballo colaborativo e pór en valor servizos e recursos que xa existen para o emprendemento no ámbito do cooperativismo e a economía social.

Esta liña de traballo, Tecendo Redes, do programa de colaboración co Concello, alén da xornada realizará unha serie de visitas a entidades do ecosistema de traballo a prol da economía social do municipio de Santiago, para acadar os obxetivos.

Programa – Cartel – Inscrición

Organiza e coordina
Unión de Cooperativas EspazoCoop  – www.espazo.coop

Contacto para esta actividade: 687 324 784 – ramon@espazo.coop 

Nova relacionada: Programa de colaboración entre o Concello de Santiago e EspazoCoop ‘Impulsando un Ecosistema Emprendedor na Economía Social’ preme aquí