O programa Más Social -que promoven a Fundación Barrié e a Fundación de Pwc e ao que se incorporaron outros socios (Fundación Roviralta e Edisa, S.L.)- ofrece recursos, medios e estratexias que contribúen a optimizar a xestión das entidades sociais de Galicia, priorizando a súa captación de recursos. O seu obxectivo final é contribuír á orientación futura do Terceiro Sector, clave para o desenvolvemento social, e promover un modelo de acción social economicamente sostible.
Más Social Empresas configúrase como un novo servizo de valor engadido dentro do Programa Máis Social, que ten como obxectivo promover o diálogo e a interacción entre as ONGs e empresas, de maneira que favoreza o coñecemento e a colaboración entre ambos axentes para o desenvolvemento de proxectos compartidos e, xere valor para elas e para a sociedade no seu conxunto.
Valora Consultores e a Asociación para o Progreso da Dirección (APD) incorpóranse ao programa para axudar a conectar a misión das entidades sociais coas estratexias de Responsabilidade Social Corporativa (RSC) e Investimento Socialmente Responsable (ISR) das empresas.
