EspazoCoop participa na Semana Universitaria da Economía Social 2026

A VII Semana Universitaria da Economía Social convocada anualmente pola Red ENUIES, de CIRIEC-España, é un evento que se celebra do 23 de febreiro ao 4 de marzo en máis de 40 universidades do estado e iberoamericanas, co obxectivo de promover o coñecemento e a reflexión a economía social. Esta semana organízase en colaboración coas institucións académicas, organismos públicos e as asociacións do sector cooperativo e da economía social, e quere involucrar ao estudantado, profesorado e profesionais nas actividades que se organizan para facilitar a comprensión de modelos de actividade económica orientados ao benestar social e a sostibilidade.

O propósito é sensibilizar á comunidade universitaria sobre a importancia de modelos económicos alternativos, destacando o cooperativismo e outras formas de economía social e solidaria, e promover o compromiso cun futuro máis sostible e xusto.

A Unión de Cooperativas EspazoCoop , sendo unha das asociacións de cooperativas máis relevantes da comunidade galega, participará no Acto central da VII Semana Universitaria da Economía Social na Universidade de Santiago de Compostela o mércores 25 de febreiro a partir das 12 h. na Facultade de CC. Económicas e Empresariais, asistindo Mar Pernas, responsable de relacións institucionais.

O seu programa contempla a Presentación do Informe da Economía Social de Galicia 2024 con Maite Cancelo, Directora do Centro de Estudos Cooperativos (CECOOP), o charla Emprender dende a Economía Social, con Manuel Veiga de Larega S. Coop. Galega, o relatorio marco Que é a Economía Social? con Mino Martínez, Presidente do Foroesgal e a presentación de catro entidades representativas do sector: Tako Group S. Coop. Galega con Javier Villaverde, Dehistoria SLL. con Pilar Rodríguez, Coregal con Beatriz González, e Arroupa EIL, con Isabel Fraga.

Participan no evento o Reitor da Universidade de Santiago de Compostela, Antonio López, o Decano da Facultade de CC. Económicas e Empresariais, Xoán Doldán e Marta Mariño, Directora Xeral de Traballo Autónomo e Economía Social da Xunta de Galicia.

+ Información do programa do Acto central da Semana Universitaria da USC neste enlace

EspazoCoop tamén estará presente nas actividades da VII Semana Universitaria da Economía Social na Universidade da Coruña a través de dúas iniciativas gratuítas, enmarcadas no programa de actuación da Rede Eusumo e da UDC, con inscrición previa e prazas limitadas: