Pont-Up Store abre prazo de candidaturas ata o 5 de xullo. Dá a coñecer o teu emprendemento

 

Xa é posible presentar candidaturas para participar na 11ª edición do Encontro de Emprendemento PONT-UP STORE, que se celebrará os días 20 e 21 de setembro na Praza de España en Pontevedra.

Esta iniciativa, dirixida pola Asociación para o Emprendemento e a Innovación: Pont-Up Store, promovida dende Campus CREA de Pontevedra (Universidade de Vigo) e que conta co apoio do Concello de Pontevedra como patrocinador principal é froito da cooperación de máis de 50 entidades públicas e privadas que durante estes anos foron sumándose ata conformar un ecosistema de apoio ao emprendemento co obxectivo de converter a Pontevedra durante dous días na capital galega das mellores iniciativas empresariais.

Se tes un novo emprendemento con menos de 3,5 anos (42 meses) dende a creación da empresa envía a túa candidatura.

Inscribe a túa candidatura

Máis información e condicións de participación.

Podes escoller ata o 5 de xullo entre 3 modalidades de participación gratuítas:

  • DISPOÑER DUN STAND SEN CUSTE durante dous días.
  • PROPOR ACTIVIDADE DEMOSTRATIVA para o programa de actividades, na que cada emprendemento leva os seus materiais.
  • PARTICIPAR NO ‘PONT-UP VENTURE’ onde terás a oportunidade de presentar o teu emprendemento a un xurado de expertos en inversións.

Podes solicitar unha ou varias opcións cun mesmo ou diferentes emprendementos. Se xa participaches noutra edición do Pont-Up Store, podes presentar candidatura para o Pont-Up Venture posto que se trata dunha nova modalidade.

Este ano volverá haber tres modalidades de participación: presentar un emprendemento nun dos máis de 30 stands gratuítos dispoñibles, propor unha actividade demostrativa e participar no Pont-Up Venture no que 7 empresas serán seleccionadas para explicar en 3 minutos o seu emprendemento a un xurado de expertos en inversións. As candidaturas poderanse presentar a unha ou varias modalidades ata o 5 de xullo a través da web www.pontupstore.com. A decisión do comité organizador farase pública a finais de xullo.