A Unión de Cooperativas Espazocoop, levará adiante a organización técnica do VII Foro de Investigación Xuvenil, promovido pola Cooperativa Claimo ( Colexio Alborada ).

Nas edicións anteriores participaron tamén outras cooperativas de ensino como o Colexio Santiago Apostol de Soutomaior ou o Colexio Abrente,  pero gustaríanos contar coa participación e a presencia de máis centros asociados da nosa Unión, polo que vos convidamos a interesarvos por esta actividade e que participedes co voso alumnado.

Este é o programa e o cartel do pasado ano: Programa ano pasado Cartel ano pasado

E aquí tes o acceso á galería fotográfica da última edición: Galería de fotos do Foro 2016

Quedamos a vosa disposición , para calquera consulta ou dúbida que teñades ao respecto no teléfono. 986 866 149.

 

OBXETIVOS

Os traballos se expoñen mediante presentación oral co apoio tecnolóxico que precise o grupo, durante un máximo de 10 minutos.

Todos os traballos se publican nun libro de memorias do evento, se algún centro está interesado en ver a memoria doutras edicións pode poñerse en contacto con Espazocoop – Sectorial de Ensino (antes Ucetag).

O Foro pretende:

– Potenciar a investigación dos alumnos e alumnas de secundaria e as metodoloxías que promovan a investigación, a creatividade e o inxeñio do alumnado.

– Fomentar a investigación como metodoloxía.

– Impulsar a difusión do seus resultados e a comunicación da ciencia.

– Introducir dinámicas que potencien o interese pola ciencia en xeral.

– Propiciar o acercamento das diferentes comunidades autónomas ao fomentar a convivencia entre mozos e mozas de diferentes rexións.

COMO PARTICIPAR

A participación no  VII Foro Intercomunitario de Investigación Xuvenil está aberta tanto á presentación de talleres como de ponencias nas que os estudiantes exporán os resultados da súa investigación.

Os ámbitos dos traballos participantes están abertos a calquera tema que fora  investigado e estudado con rigor e seguindo as pautas do método científico. Existe tamén a posibilidade de presentalo en formato taller.

Para participar no VII Foro simplemente tes que cubrir a seguinte ficha de inscrición no enlace:

Ficha de inscrición

ONDE E CANDO SE CELEBRA O FORO ?

Lugar: Santiago de Compostela | Días: 11, 12 e 13 de Maio de 2017.

PRAZO DE INSCRICIÓN

Antes do 3 de Febreiro de 2017.