Faite mentora!

Entra na Rede ES-Mentoring para acompañar á economía social

 

 

ES Mentoring é un proxecto promovido pola Xunta de Galicia co que EspazoCoop colabora, os servizos deste programa prestan asesoramento e acompañamento especializado, mentoring na economía social, para mellorar as empresas e entidades deste sector, a súa meta é apoiar e consolidar cooperativas e outras entidades de economía social do tecido económico de Galicia, que poden ser beneficiarias dos servizos de ES Mentoring de xeito gratuíto cando as súas convocatorias están abertas.

Faite mentora na economía social 

ES Mentoring xa ten conformada unha Rede de Mentoras e un Catálogo que visibiliza as profesionais que mentorizan na economía social. O Catálogo xurde e é froito da dinamización das primeiras edicións do programa ES Mentoring, realizadas polas asociacións de cooperativas EspazoCoop e Agaca, nas que participaron profesionais expertas en diversas áreas da empresa, que teñen como fío común a súa solvencia e experiencia no sector da economía social, estas persoas postuláronse e traballaron como Mentoras nas edicións 2022 e 2023  do programa, acompañando e orientando a cooperativas e empresas do sector.

O Catálogo virtual da Rede de Mentoras na economía social, composto por preto de 70 persoas, creouse en 2024, consta dunha breve descrición do perfil profesional de cada mentora,  e información das áreas de especialización que poden abordar nos procesos de mentoría a empresas de economía social. Está dispoñible na web de ES-Mentoring. Catálogo > Consulta o Catálogo

O Catálogo é un recurso do sector cooperativo e da economía social de Galicia que servirá, ademais de como fornecedor de mentoras no programa ES Mentoring, como un útil promocional de expertas que poden colaborar noutros programas, iniciativas e accións, ao que calquera pode acudir para buscar profesionais e solicitar os seus servizos.

Se eres unha profesional do sector e estás interesada en facer parte deste Catálogo e da Rede para realizar mentoring a cooperativas e outras empresas da economía social, faite mentora, en especial se contas con experiencia en sociedades laborais, empresas de inserción, comunidades de montes, empresas de economía alternativa e solidaria, entre outras, xa que son tipos de entidades da economía social galega nas que aínda quedaría marxe para contar con perfís profesionais expertos na Rede e no Catálogo.

FAITE MENTORA ! preme aquí

O programa de acompañamento a empresas de economía social: cooperativas, sociedades laborais, asociacións, empresas de inserción, etc., comezou a súa andaina en 2022, sendo executado por Agaca e EspazoCoop, logrou conformar unha ampla rede de persoas mentoras que atenderon 60 mentorías. O programa aspira nos vindeiros anos a consolidarse, aumentar a súa rede de mentoras e os recursos destinados ao mentoring na economía social.

 

ES-Mentoring, Acompañando á Economía Social

ES-Mentoring é un programa de acompañamento e asesoramento, promovido pola Xunta de Galicia, que se dirixe ás empresas da economía social que teñen unha necesidade específica, ou que están nun momento de crise, proceso de cambio, transformación, innovación… e están interesadas en recibir orientación ou asesoramento sobre como enfocar a situación por parte doutras persoas expertas e empresas da economía social xa consolidadas e que poidan ter pasado por situacións similares con anterioridade.

+ Info do programa na web de ES Mentoring aquí