O cooperativismo protexe o Medio Ambiente e os Océanos, ¿queres comprobalo?

Aproxímanse dúas datas sinaladas que nos lembran a necesidade de coidar do noso planeta, o Día Mundial do Medio Ambiente o 5 de xuño e dos Océanos o 8, aínda que ¿non deberían de ser todos?

O marco lexislativo e político avanzan na implementación de medidas que potencian o desenvolvemento sustentable. Nesta líña ven de ser aprobado o Plan de Acción de Economía Circular 2021-2023 que marca o camiño para facer realidade a Estratexia Española de Economía Circular, mentres que en Abril aprobábase a primeira Lei de Cambio Climático. Ó mesmo tempo, a cidadanía, clientela, empregadas, comunidades e ata investidoras buscan un maior compromiso ambiental e social, e modelos alternativos de deseño, producción e consumo.

Dende EspazoCoop queremos aproveitar para falar das cooperativas socias que incorporan o coidado do medio ambiente e dos oceános na súa actividade. Algunhas das nosas asociadas contan con proxectos profesionais que incorporan a protección do medio natural:

• A través de proxectos que poñen en valor o medio rural e a agricultura ecolóxica, como Milhulloa, Alcouve da Moura, Labrecos, Ribeira do Navia (Ribeiregas), Daiquí, Alcrique, Arquipélagos, Teceleiras ou A Flor da Vida.
• A través da divulgación, da formación e do aprendizaxe, como Miudiño, 13 graos, Teixugo, Ardora ou CEM.
• A través do consumo responsabel e consciente, como Zocamiñoca, Fieito, Árbore consumo consciente ou Bico de Grao.
• A través do fin de vida dos productos, asegurando un tratamento de residuos sustentable, como Mulleres Colleiteiras.
• A través do fomento das enerxías renovables, como Nosa Enerxía.
• A través de servicios de consultoría en sustentabilidade e xestión de proxectos, como Alén e MedAtlantia.

Estas entidades do Cooperativismo e da Economía Social traballan pola protección do Medio Ambiente a través de proxectos viables con impacto social, texendo iniciativas sustentables no termo máis auténtico da palabra.

[ Alén S. Coop. Galega // Unión de Cooperativas EspazoCoop ]