Guías de Xestión Cooperativa

EspazoCoop publica as ‘Guías de Xestión Cooperativa’ que pretenden ser un material útil para os distintos ámbitos da empresa cooperativa: Contable, Fiscal, Laboral, Organizativo e Social.

O cooperativismo aporta novos modelos de xestión empresarial con especificidades en distintos ámbitos: organizativo, social, laboral, contable, ou fiscal, que precisan dun nivel de especialización e coñecemento, non sempre afrontado en boas condicións polas persoas socias, nin polos grupos emprendedores que asumen o reto de poñer en marcha un proxecto cooperativo.

Contar con material de apoio que facilite asumir con criterio e de xeito rigoroso as distintas áreas da xestión cooperativa, especialmente aquelas que pola súa complexidade técnica e grao de especialización presentan maiores dificultades, resulta polo tanto de especial interese.

As Guías de Xestión Cooperativa elaboradas pola Unión de Cooperativas Espazocoop, co apoio financeiro da Consellería de Emprego e Igualdade, no marco das actividades da Rede Eusumo, van dirixidas, tanto ás cooperativas xa constituidas como a grupos promotores e pretenden facilitar información actualizada e práctica sobre cuestións clave nos devanditos ámbitos organizativo, social, laboral, contable e fiscal das cooperativas e que den resposta ás dúbidas máis habituais que adoitan ter as persoas socias e promotoras.

Para recibir as Guías en formato dixital, ou algunha delas, poden solicitarse a EspazoCoop.

Socilita as ‘Guías de Xestión Cooperativa’ >>> aquí

Que atoparás na guía da ÁREA CONTABLE?

Que tipo de contas temos que levar nunha cooperativa?
Existen diferenzas entre a contabilidade da cooperativa e outras empresas?
Cales son os fondos propios nas cooperativas?
Pode aumentar o diminuír o capital nas cooperativas?
Que son os fondos de reserva na cooperativa e como se contabilizan?
Que son e como se contabilizan as operacións cooperativas?
Que son e como se contabilizan as operacións extracooperativas ?
Como se distribúen os resultados positivos ou negativos?
Que tipo de libros contables temos que levar?
Que é a contabilidade previsional e para que sirve?

Que atoparás na guía da ÁREA FISCAL?

Cales son as principais obrigas fiscais na cooperativa?
Cales son as principais obrigas fiscais das persoas socias?
Que é unha cooperativa protexida e que beneficios ten?
Que é unha cooperativa especialmente protexida e que beneficios ten?
Cales son as causas de perda da protección fiscal?
Circunstancias excepcionais
Que diferenzas ten o imposto de sociedades nas cooperativas?
Casuística fiscal de interese:

No imposto de transmisións patrimoniais e actos xurídicos documentados

Nas cotas periódicas das cooperativas de consumo

Nos gastos e dietas de viaxe

No pago pola cooperativa da cota de autónomos

Cal é a normativa fiscal que regula ás cooperativas?

Que atoparás na guía da ÁREA LABORAL?

En que réxime de cotización se teñen que dar de alta as persoas
socias dunha cooperativa de servizos ?
En que réxime de cotización se teñen que dar de alta as persoas socias dunha cooperativa de consumo?
En que réxime de cotización se teñen que dar de alta as persoas socias dunha cooperativa de traballo asociado?
Que dereitos laborais ten a persoa socia?
Que obrigas laborais ten a persoa socia?
Que normativa laboral ten que cumplir a persoa socia?
As persoas socias teñen dereito á prestación por desemprego?
As persoas socias teñen dereito ás bonificacións da seguridade social?
Pódese cotizar a tempo parcial nunha cooperativa?
As persoas socias están obrigadas a acollerse ao convenio colectivo sectorial?

Que atoparás na guía da ÁREA ORGANIZATIVA?

Cales son os órganos sociais dunha cooperativa?
Que é unha asemblea e que decisións se toman nela?
Que diferenzas existen entre unha asemblea ordinaria e extraordinaria?
Como se leva a cabo unha asemblea?
Cal é o órgano de administración ou goberno e que funcións desempeña?
Cal é o organigrama básico dunha cooperativa?
Como se asignan funcións e responsabilidades ?
Que é un regulamento de réxime interno e para que sirve ?
Como se toman as decisións na cooperativa ?
Que perfil deben ter as persoas socias das cooperativas ?

Que atoparás na guía da ÁREA SOCIAL?

Quen pode ser persoa socia dunha cooperativa?
Que significa ser persoa socia dunha cooperativa?
Tipos de persoas socias
Que dereitos ten a persoa socia?
Como se manexa a información na cooperativa?
Que obrigas ten a persoa socia?
Que teño que facer para ser persoa socia?
Cando unha persoa socia deixa de selo?
Que pasa se non cumpro as normas?
A persoa socia pode ser expulsada da cooperativa?
Que pasa coas persoas socias que non participan?
Que sucede cando hai conflito entre as persoas socias?

[ As Guías de Xestión Cooperativa encádranse no programa de actuación 2021 da Rede Eusumo. A Rede Eusumo é unha Rede de colaboración impulsada pola Dirección Xeral de Emprego, Traballo Autónomo e Economía Social – Xunta de Galicia, para o fomento e consolidación do cooperativismo e a economía social que conta co financiamento do Ministerio de Trabajo y Economía Social ]