Madrid, xaneiro 2019
Nota informativa de UECoE
O Consello Reitor da Unión Española de Cooperativas de Ensino (UECoE) reúnese con ISABEL CELAÁ DIÉGUEZ, Ministra de Educación e Formación Profesional e ALEJANDRO TIANA FERRER, Secretario de Estado de Educación e Formación Profesional.
O Presidente, Vicepresidente, Conselleiros e a Xerente de UECoE reuníronse o pasado mércores 23 de xaneiro no Ministerio de Educación e Formación Profesional coa Ministra, Dña. Isabel Celáa e o Secretario de Estado, D. Alejandro Tiana, aos que se lles transmitiu a posición das Cooperativas de Ensino no debate educativo e as propostas de enmenda ao Anteproxecto de lei Orgánica que modifica a Lei orgánica 3/2002 de Educación.
Resaltouse a diferenciación das cooperativas con respecto ao resto dos centros concertados, así como unha serie de propostas tales como o financiamento público na etapa de 0-3 anos, a aposta pola Formación Profesional -FP-, inclusividade, laicidade, e outra serie de reclamacións singulares da nosa organización, así como, unha vez máis, a solicitude de pertenza de membro de pleno dereito do Consello Escolar do Estado.
Cabe destacar a proximidade e cordialidade coa que foron recibidos, así como agradecer o recoñecemento que se fixo á achega que están facendo as cooperativas ao Ensino, todo iso sen menoscabar as esixencias do colectivo ante o Anteproxecto de Lei Orgánica.
Sobre UECoE
UECOE é a entidade representativa en España das cooperativas de ensino e dos centros educativos de economía social, e é a súa misión construír un proxecto pedagóxico xunto ao proxecto empresarial que cre e manteña emprego de calidade entre os seus socios-as e traballadores-as, desde unha reflexión innovadora que aporta solucións concretas ao ensino.
*A Unión de Cooperativas Galegas EspazoCoop conta cunha Sectorial de Cooperativas de Ensino e é entidade asociada á Unión Española de Cooperativas de Ensino (UECoE)
