Subvencións a Cooperativas 2022: Programa Aprol Economía Social

Convocáronse as subvencións 2022 para fomento do emprendemento en economía social: ‘Programa Aprol Economía Social’. Estas axudas están destinadas ás cooperativas (entre outras beneficiarias).

Documentos informativos:

• Para consultar a orde completa, preme aquí.
• Para descargar o folleto, preme aquí.

Finalidade do Programa Aprol Economía Social 

Fomentar a incorporación de persoas desempregadas e persoas traballadoras temporais a cooperativas e sociedades laborais. Para elo establecéronse dous Programas de axudas:

• Programa I: Fomento de emprego en cooperativas e sociedades laborais.
• Programa II: Fomento do acceso á condición de persoa socia.

PROGRAMA I, Poderán acollerse a estes incentivos as cooperativas e sociedades laborais que incorporen persoas socias traballadoras ou de traballo, en centros de traballo situados na Comunidade Autónoma de Galicia.

• De persoas desempregadas.
• De persoas vinculadas á cooperativa ou sociedade laboral por un contrato de traballo temporal.
• De persoas socias a proba.
• De persoas asalariadas dunha empresa que se transforme en cooperativa ou sociedade laboral, sempre que non fosen socias da empresa transformada.

A incorporación poderá ser a xornada completa ou a tempo parcial.

PROGRAMA II, Poderían acollerse a este programa as persoas que accedan á condición de persoa socia traballadora ou de traballo dunha cooperativa ou sociedade laboral con carácter indefinido, a través do financiamento das súas achegas económicas ao capital social, que desenvolvan a súa actividade nun centro de traballo situado en Galicia e que, no momento da súa incorporación, sexan:

• Persoas desempregadas.
• Persoas socias a proba da cooperativa á cal se incorporan.
• Persoas asalariadas da cooperativa ou sociedade laboral á cal se incorporan.
• Persoas asalariadas dunha empresa que se transforme nunha cooperativa ou sociedade laboral, sempre que non teñan a condición de socias da empresa transformada.
• Persoas socias traballadoras ou de traballo dunha cooperativa ou sociedade laboral a tempo parcial que accedan á mesma condición a tempo completo.

Entidades beneficiarias

• As cooperativas e sociedades laborais para as actuacións do programa I.
• Persoas desempregadas, socias ou traballadoras de cooperativas ou sociedades laborais ou doutras empresas que se transformen nestas, para as actuacións do programa II.

Execución das accións

O período de execución é : Desde o 01 de outubro de 2021 ata o 15 de novembro de 2022.

Prazo de solicitudes

O prazo para presentar solicitudes finaliza o 30 de setembro de 2022.