Formación para persoas prescriptoras: actores no emprendemento cooperativo

A Unión de Cooperativas Galegas EspazoCoop, no marco do Proxecto ES-FACTORY, Programa Interreg VI A España – Portugal 2021-2027, ofrece para o mes de novembro un curso destinado a persoas prescriptoras de emprego e emprendemento en Galicia.

 

 

CURSO: “IMPULSANDO UN ECOSISTEMA EMPRENDEDOR NO COOPERATIVISMO”

Modalidade teleformación | 40 horas | Do 4 ao 30 de novembro de 2025. Con 3 sesións virtuais de aprendizaxe en liña, en horario de 11:00 a 12:30 h os días 6, 18 e 27 de novembro.

Os principios e valores nos que se basea o cooperativismo e a economía social, bríndannos unha alternativa positiva e contrastada para acadar unha mellor situación de acceso ao emprego. O sector da economía social vén amosando o seu carácter contracíclico e a súa resiliencia nas crises que se teñen producido ata agora. A súa resiliencia, o seren empresas centradas nas persoas e sustentadas en principios e valores é unha garantía para a creación de tecidos económicos máis resistentes e con maior capacidade.

Nesta aposta pola creación e desenvolvemento dun ecosistema emprendedor, EspazoCoop propón esta actividade dirixida ás persoas prescriptoras de emprego, como axentes de difusión e creación de empresas entre as persoas usuarias dos seus servizos.  Para achegar á cidadanía o cooperativismo, é preciso tecer alianzas sólidas coas persoas que actúan como dinamizadoras no territorio, ao tempo que favorecer a conformación de redes de cooperación entre elas, que contribúan a pór en marcha e consolidar un ecosistema favorable ao emprendemento en cooperativa.

 

Obxectivos do curso

  • Impulsar a dinamización dun ecosistema emprendedor no cooperativismo e a economía social galega.

  • Achegar ás persoas prescriptoras de emprendemento as especificidades, características, apoios e vantaxes do emprendemento cooperativo e a economía social.

  • Dar a coñecer a cooperativa como ferramenta de creación de emprego inclusivo, estable e de calidade, de dinamización do tecido sociocomunitario e de fomento do equilibrio e da sostibilidade territorial.

  • Incorporar á empresa cooperativa en procesos divulgativos, formativos, de acompañamento, de elaboración de normativa e axudas para a creación de novos proxectos, das persoas prescriptoras.

Consulta o programa NESTE ENLACE

INSCRÍBETE! NESTE ENLACE

As prazas para este curso son limitadas.

CONVOCA: Unión de Cooperativas Galegas EspazoCoop

INICIATIVA NO MARCO DO PROGRAMA:

Proxecto 0259_ES_Factory_1_E que está cofinanciado polo Fondo Europeo de Desenvolvemento Rexional FEDER no marco do programa Interreg VI A España – Portugal 2021-2027.