Formación de Ugacota na Rede Eusumo, mes de Maio

Estás sen emprego?. Estades pensando en poñer en marcha unha actividade económica?. Por que non emprender en grupo?. Cicais pensaches en formar parte dunha cooperativa?.

UGACOTA ofrece formación para persoas en desemprego, emprendedoras, a novas cooperativas, a novos socios/as de cooperativas, e para o público interesado en xeral. Coñece as cooperativas, e anímate a participar ! .

A Unión de Cooperativas de Traballo organiza e imparte varios obradoiros gratuítos no marco da Rede Eusumo, na modalidade presencial, cunha duración de 20 horas cada obradoiro,  5 h. cada sesión, e horario de mañá . A súa Programación Formativa no mes de Maio, terá lugar en Pontevedra, A Coruña, Lugo e Carral, e Vilagarcía de Arousa é a seguinte:

De que trata cada obradoiro  ? :

1) Formación cooperativa para persoas que queren emprender: Con este curso preténdese divulgar as posibilidades e vantaxas de emprender baixo unha fórmula empresarial de economía social: o modelo cooperativo. Tamén se dará a coñecer as testemuñas de persoas que xa emprenderon en cooperativa.

2) Elabora o teu plan de empresa cooperativo: Con este curso preténdese mostrar desde un punto de vista práctivo as condicións e pasos a dar para emprender baixo a fórmula cooperativa. Coñecer que debemos analizar e ter en conta para facer da nosa idea un proxecto cooperativo viable. Tamén elaborar conxuntamente os distintos apartados do Plan de Empresa do noso proxecto, e avaliar requisitos e compromisos como grupo emprendedor, tarefas a desenvolver, e o calendario de actuacións.

3) Por que non traballamos en equipo ? : Con este curso preténdese desenvolver as habilidades persoais claves no traballo colaborativo. · Coñecer recursos e metodoloxías que nos axudan a traballar e mellorar as habilidades sociais. E descubrir e aplicar as habilidades persoais nun contorno cooperativo.

Colaboran : Consellería de Traballo e Benestar (Xunta de Galicia) – Fondo Social Europeo – Deputación de Pontevedra – CEC Coruña – Fundación CEL, Iniciativas por Lugo – Oficina de Fomento Cooperativo do Consorcio As Mariñas – Cámara de Comercio de Vilagarcía de Arousa