Sacauntos cooperativa celebran o mes das letras cunha oferta para socias da Unión

Desde a cooperativa socia Sacauntos queren celebrar o mes das letras e facervos partícipes dun agasallo para todas as cooperativas que realicedes a vosa comunicación habitual en lingua galega.

Queren agasallarvos con 100 folletos e 100 cartóns de visita completamente de balde, sempre que estean en calquera normativa do galego.

Podedes recollelas nas súas oficinas e, de paso, tomarvos un café co equipo de Sacauntos ou, se non podedes pasar por Compostela, teñen a opción de enviárvolos por transporte por un custo de 5 €  ive incluído.

Tendes todo o mes de maio para facer o voso pedido e lembrade tamén que, calquera clase de traballo, en Sacauntos aplican condicións e tarifas especiais para socias de EspazoCoop.

*Características técnicas:

-Carton de visita formato estándar 85x55mm. Cor a dobre cara sobre cartulina estucada 300 grs. Sen laminado nen acabamentos especiais.

-Folleto formato A5 (148x210mm). Cor a dobre cara sobre papel stock 90-120grs. Sen laminado nen acabamentos especiais.

-Artes finais en PDF con 3mm de sangue por cada lado.

-Envío artes finais: projetos@sacauntos.com con asunto “promo EspazoCoop”.