Mercado do Emprendemento de Pontevedra

Un trampolín para o talento local e a innovación na cociña

 

 

Formar parte do Mercado do Emprendemento é unha oportunidade única que non debedes deixar pasar. Esta iniciativa, promovida polo Concello de Pontevedra permite poñer a proba un proxecto relacionado coa gastronomía, o turismo ou o comercio en condicións reais de mercado, xestionando durante un mes un posto no Mercado de Abastos, cun acompañamento técnico personalizado que axuda a mellorar a proposta, analizar resultados e fortalecer o modelo de negocio.

Ademais, participar neste programa ofrece vantaxes tan relevantes como:

  • Visibilidade directa fronte á clientela real, nun espazo de gran fluxo e recoñecemento na cidade.
  • Apoio profesional continuo, con asesoramento en xestión, atención ao cliente, marketing e operativa diaria.
  • Validación do produto ou servizo nun contexto real, o que facilita tomar decisións estratéxicas con datos.
  • Un impulso para dar o salto ao mercado, consolidar unha marca propia ou iniciar un novo camiño profesional.

Se coñeces persoas que poidan estar interesadas, ou se ti mesma/o estás a valorar unha iniciativa vinculada á gastronomía, á restauración ou á innovación culinaria, anímote a aproveitar esta oportunidade.

A quen se dirixe?

  • Emprendedores/as e startups gastronómicas, turísticas e relacionadas co comercio de proximidade

  • Estudantes e egresados/as de hostalería.

  • Negocios en fase inicial ou empresas existentes que desexen testar novas liñas (receitas, servizos, formatos, delivery etc.)/ etc.).

Condicións básicas para participar:

  • A participación é por mes completo.

  • É obrigatorio asistir todos os xoves, venres e sábados do mes.

  • Pódese abrir tamén martes e mércores de forma opcional.

  • Horario de apertura: de 08:00 a 15:00.

  • Os participantes deben dispoñer de produtos para mostrar e ofrecer ao público.

Beneficios para os proxectos seleccionados

  • Validar o seu modelo nunha contorna real de alta afluencia.

  • Acompañamento técnico durante todo o mes.

  • Visibilidade e conexión co ecosistema local.

  • Creación de sinerxias con provedores, chefs e comercios do mercado.

Prazas previstas: ata 15 ao longo do programa.

Selección: criterios de innovación, viabilidade, sustentabilidade e impacto.

Achégase o folleto e o cartel con todos os detalles.

A inscrición pode realizarse directamente en: https://apuntate.pontevedra.gal/mercado-do-emprendemento/