A  Consellería de Economía, Emprego e Industria  convocou o Programa de incentivos á contratación das persoas mozas inscritas no Sistema nacional de garantía xuvenil. Prazo: 30/09/16.

 

Teñen por finalidade favorecer o emprego estable e facilitar a empregabilidade e ocupabilidade das persoas mozas inscritas no Sistema nacional de garantía xuvenil, a través dos seguintes programas:

a) Programa de incentivos á contratación indefinida inicial das persoas mozas menores de 30 anos inscritas no Sistema nacional de garantía xuvenil.

b) Programa de incentivos á contratación temporal das persoas mozas menores de 30 anos inscritas no Sistema nacional de garantía xuvenil e a súa transformación.

Fai clic:

BASES REGULADORAS

 

PROGRAMA DE INCENTIVOS Á CONTRATACIÓN INDEFINIDA

Entidades beneficiarias: As persoas empregadoras e as empresas, calquera que sexa a forma xurídica que adopten.

Serán subvencionables: as contratacións indefinidas realizadas desde o 1 de Novembro de 2015 ata o 30 de Setembro de 2016 formalizadas con persoas mozas inscritas no Sistema nacional de garantía xuvenil.

Contías dos incentivos:  As contratacións indefinidas iniciais incentivaranse cunha axuda de 7.000 euros. Esta contía incrementarase en 600 euros no suposto de que a persoa contratada sexa muller, persoa discapacitada ou unha persoa en que concorra algún dos factores de exclusión social recollidos no artigo 3 da Lei 10/2013, do 27 de novembro, de inclusión social de Galicia.

 

PROGRAMA DE INCENTIVOS Á CONTRATACIÓN TEMPORAL

Entidades beneficiarias: As persoas empregadoras e as empresas, calquera que sexa a forma xurídica que adopten.

Serán subvencionables: as contratacións indefinidas realizadas desde o 1 de Novembro de 2015 ata o 30 de Setembro de 2016 formalizadas con persoas mozas inscritas no Sistema nacional de garantía xuvenil.

Contías dos incentivos:

– mínimo de 200 euros por cada un dos seis primeiros meses completos da duración do contrato.

– mínimo de 300 euros por cada unha das seguintes mensualidades completas da duración do contrato e ata un máximo de seis.

– Os contratos para a formación e a aprendizaxe incentivaranse cunha axuda de ata 1.200 euros.

– Os contratos en prácticas incentivaranse cunha axuda de 3.600 euros.

– A transformación de contratos temporais subvencionados ao abeiro desta orde de convocatorias en indefinidos incentivarase con 2.500 euros.