O Tendal ofrece apoio para presentarse ás axudas para fomento da Economía Social

/, Novas do cooperativismo/O Tendal ofrece apoio para presentarse ás axudas para fomento da Economía Social
Desde o grupo de cooperativas que integran O TENDAL queren poñer á vosa disposición algúns dos servizos que se poden financiar a través das Subvencións para o Fomento da Economía social publicadas pola Consellería de Economía Emprego e Industria no DOG do pasado 27 de xullo, dentro do Programa VI: intercooperación e integración empresarial.
Por medio deste programa impúlsanse as actividades de intercooperación, realizadas de forma conxunta por entidades de economía social, especialmente os procesos de integración empresarial co fin de acadar a dimensión necesaria para mellorar a competitividade, capturar maior valor engadido e satisfacer adecuadamente as necesidades das persoas que forman a cooperativa ou sociedade laboral. Promóvese, así mesmo, o lanzamento de proxectos de colaboración empresarial para a consecución de obxectivos comúns relacionados coa investigación, desenvolvemento e innovación, coa loxística, comercialización e internacionalización, subvencionando parcialmente os gastos necesarios para a súa realización.
Estes son os servizos subvencionables que O TENDAL pode prestarvos:

Configuración de proxectos de integración e actividades de investigación, desenvolvemento e innovación: Asistencia externa para a xestión e dinamización dos equipos de traballo conxuntos.

Comercialización e internacionalización.
> Elaboración de proxectos de loxística, distribución conxunta de produtos, oferta integrada de servizos, tendas cooperativas, puntos de atención e outras fórmulas de venda e atención directa ao consumidor e usuario:
    >> Contratación de asistencia externa para a elaboración de proxectos técnicos e estudos de viabilidade.
>> Asistencia técnica para a xestión de tramitación de rexistros de marca e patentes conxuntas.
> Deseño e creación de instrumentos de comercio electrónico a través da internet, excluídos os gastos de mantemento.
> Deseño, tradución e produción de materiais promocionais tales como catálogos de produtos e servizos, materiais audiovisuais, folletos e similares, para a súa comercialización conxunta.
> Misións comerciais e presenza en feiras, mostras e congresos:
    >> Asistencia técnica para a organización de eventos e servizo de deseño e comunicación asociados.
Mais info:
DEPARTAMENTO COMERCIAL  O TENDAL
Asier Epelde  /  Tel. 639 938 241
info@otendal.es

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies