Espazocoop presente na rolda de reunións do CES “Por unha alianza no sector industrial galego”

/, Espazo Coop, Novas do cooperativismo/Espazocoop presente na rolda de reunións do CES “Por unha alianza no sector industrial galego”

Espazo Coop participa na Iniciativa “Por unha Alianza no sector Industrial galego” impulsada dende o Consello Económico e Social de Galicia.

Hoxe luns 18 de setembro iniciou a rolda de reunións con diversos interlocutores sociais, rolda á que foi convidada a Unión para aportar a perspectiva do sector cooperativo neste proxecto. Esta primeira xuntanza xirou ao redor da área temática Regulación das condicións marco, e creouse un debate para definir propostas nesta área temática.

Celso Gándara, Presidente da Unión de Cooperativas Espazo Coop defendeu e plantexou posibilidades como a incorporación da fórmula cooperativa para incrementar a dimensión das empresas industriais en Galicia, e neste sentido o caso da cooperativa mixta Maier Ferroplast é un exemplo de transformación nunha empresa cooperativa de carácter industrial.

Gándara tamén plantexou o uso do modelo cooperativo nos supostos de sucesión de empresas ou mesmo de empresas en crise, que están dando bos resultados, tamén noutras Comunidades.

Espazo Coop agradece a invitación do CES a participar nas reunións, e a oportunidade de que se lle brida de achegar a súa visión e experiencia.

Por qué o proxecto “Por unha Alianza no sector Industrial galego”?:

Rexurde a preocupación polo sector manufactureiro en Europa e EEUU na última década pola súa aportación á xeración e calidade do emprego, ás posibilidades de inserción internacional, e á capacidade para xerar novo coñecemento para a innovación.

O peso da industria manufactureira e servizos avanzados en Galicia sufriu unha contracción no período 2008-2016 no PIB e no VEB, Galicia é unha das CCAA con maior retracción en termos de VEB e emprego.  Neste contexto o CES impulsa esta iniciativa “Por unha alianza no sector industrial galego”, co obxetivo de traballar xuntos e canalizar e intensificar a capacidade de interlocución polo sector manufactureiro en distintas Áreas Temáticas:

  • na regulación das condicións marco;
  • nos factores de competitividade;
  • no capital humano;
  • na investigación e innovación;
  • nos investimentos e atracción/retención de capitais.

A finais do ano 2016 o proxecto arranca coas primeiras reunións, e, ata o de agora realizouse :

  • un estudo descriptivo e diagnose,
  • así como entrevistas e enquisas con persoas e organizacións expertas,
  • e se identifican varios retos para o sector.

Actualmente a Iniciativa adéntrase na fase de rolda de reunións con interlocutores sociais na que está presente ESPAZO COOP a través de Celso Gándara, Presidente da Unión de Cooperativas, para identificar xunto a outros axentes das liñas de actuación, cales son compartidas, viables, pertinentes ou adaptables. O principal resultado agardado desta rolda é unha batería de propostas xurdidas dunha visión compartida para o sector industrial galego.

Nova relacionada aquí

 

 

 

2017-09-18T18:32:44+00:00 18/09/2017|Destacados, Espazo Coop, Novas do cooperativismo|Sin comentarios

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies