Roteiro Cooperativo de Santiago, edición 2025

O Roteiro Cooperativo é unha actividade que propón un xeito diferente de achegarse ás cooperativas de Santiago de Compostela, ao cooperativismo e a economía social. A edición de 2025 conta cun programa de 4 roteiros que se desenvolven entre os meses de abril a setembro.

A 4ª edición do Roteiro Cooperativo, iniciativa promovida por EspazoCoop en colaboración co Concello de Santiago de Compostela, volve este ano con 4 roteiros nos meses de abril a setembro de 2025.

A actividade consiste nunha ruta guiada por Santiago de Compostela para visitar e coñecer cooperativas da cidade e achegarse ao cooperativismo e a economía social. A través dela identifícanse cooperativas que están presentes no día a día da cidadanía, ao tempo que se promociona o modelo cooperativo para mostrar proxectos viables, realizando tamén un labor didáctico ao redor do autoemprego colectivo.

Calendario de roteiros

25 de abril 2025
27 de maio 2025
Setembro 2025 (2 roteiros, datas proximamente)

Cooperativas participantes

As cooperativas que se visitarán e que participan no Roteiro Cooperativo son o cinema Númax, o centro de ioga Almazen de Yoga, a tenda de marcas culturais galegas Creativas Galegas a escola de música Conservatorio Histórico de Santiago e a cooperativa de muralismo, pintura e ilustración Cestola na Cachola.

*Actividade realizada no marco do Convenino de Colaboración 2025 entre o Concello de Santiago de Compostela no marco do programa municipal Feito en Santiago e a Unión de Cooperativas Galegas EspazoCoop.