Evento de presentación : Turismo de Impacto Positivo

Impulsa o teu negocio turístico a través da sostibilidade

Dende a cooperativa Alén, que organiza este evento, chéganos o convite para participar na presentación de Turismo de Impacto Positivo.

A Concellaría de Promoción Económica e Turismo convídalle ao Evento de presentación C4S: Turismo de Impacto Positivo, unha xornada aberta na que se dará a coñecer o novo Programa de impulso á sostibilidade no turismo C4S, pensado para apoiar aos negocios turísticos locais na integración da sostibilidade como factor diferencial e competitivo.

Durante o evento falarase da relación entre a sostibilidade e o turismo e a súa relevancia actual e daranse a coñecer os obxectivos e fases do programa. Contarase ademais coa participación de Alejandro Sánchez, xerente de Abeiro da Loba, aloxamento turístico referente no impacto positivo local que compartirá a súa experiencia práctica na incorporación da sostibilidade, amosando como xerar valor económico, social e ambiental ao tempo que se fortalece a relación co territorio.

• 25 setembro 2025
• 17:30 h.
• Sala Cervantes, Mercado Municipal. Rúa Cervantes 0, Carballo.
• Inscríbete aquí

Un encontro para coñecer de primeira man como a sostibilidade pode ser unha oportunidade real de innovación, mellora e diferenciación no turismo de Carballo.

O Programa C4S inclúe formación e mentorización de balde para 10 empresas turísticas do Concello, combinando formación presencial colectiva e apoio individualizado. Premando aquí poderá consultar mais detalles do programa e inscribirse (do 25 de setembro ao 9 de outubro).

Para solicitar máis información sobre o evento e o programa, pode poñerse en contacto no número de teléfono 698170240 ou no correo electrónico : c4scarballo@gmail.com

Non perdas a oportunidade de formar parte dun turismo con impacto positivo!