A Federación de Cooperativas Sinerxia inicia unha Campaña de Subscrición de Avais Mancomunados persoais e non patrimoniais, co fin de solicitar un préstamo financeiro a Coop57 por un total de 18.000,00 €, a 12 meses. Podes colaborar antes do 1 de setembro de 2015.

Por que se realiza? 

Para financiar os gastos normais de funcionamento e o programa de actividades 2015-2016 da Federación.

Entre os requisitos para poder ter acceso a este financiamento, está a subscrición de avais mancomunados persoais e non patrimoniais por importe do que se solicita.

A maior número de subscritoras/es de aval, menor risco da operación financeira, e, maior visibilización do respaldo social co que conta a Federación.

En que consiste ?

Trátase dun compromiso persoal que non supón desembolso de diñeiro para as avalistas. E só no caso de que a entidade solicitante do préstamo non poidera afrontar a súa devolución, cada avalista responde  pola parte que avale.

– Informe explicativo da Campaña de Subscrición de Avais Mancomunados

– Modelo de Subscrición de Aval Mancomunado

Información sobre a Federación:

– Memoria de Sinerxia

– Orzamentos 2015 de Sinerxia

– Certificado, acordo de solicitude de préstamo

Colabora antes do 1 de setembro de 2015.

Para máis información e confirmacións de subscricións á Campaña, podedes dirixirvos á xerencia de Sinerxia: 986 896 526 – 673 524 748 –  sinerxia@sinerxia.org (Persoa de contacto: Ramón Carmelo Rodríguez).