Afiprodel Galicia (Asociación Finisterrae de profesionais do desenvolvemento local de Galicia) promove estes premios para visibilizar, dar un recoñecemento público e difundir os proxectos e actuacións de desenvolvemento humano local realizado nos territorios de municipios galegos de menos de 20.000 habitantes nos que teña colaborado os servizos dun profesional de desenvolvemento local.

Do 1 de setembro ao 24 de novembro de 2013, pode presentarse a esta convocatoria calquera iniciativa privada, pública ou mixta que comparta o enfoque humano, sostible e endóxeno do desenvolvemento local.

Un xurado e as votacións públicas realizadas do 1 de novembro ó 15 de decembro, outorgaran 3 galardóns e tres accesits para experiencias promovidas por entidades e administracións públicas, por entidades privadas e para proxectos emprededores e/ou de empresas. Ademais haberá un recoñecemento especial para o proxecto máis valorado polo público na páxina web.

Os proxectos premiados e concursantes estarán dispoñibles nun documento web e divulgarase en medios de comunicación, redes sociais e exposicións que realice Afiprodel sobre desenvolvemento local. Afiprodel fará entrega dos premios nun acto oficial na data e lugar que será anunciado na súa  web e nos medios de comunicación.

 

Mais información: http://premios.afiprodel.org/