Programa ES Mentoring:

Acompañando á Economía Social

– Programa ES Mentoring Acompañando á Economía Social.

– Financiado pola Consellería de Promoción do Emprego e Igualdade. Xunta de Galicia.

– Período: Dende 2022 – En curso

ES-Mentoring é un programa de acompañamento e asesoramento que se dirixe ás empresas da economía social que teñen unha necesidade específica, ou que están nun momento de crise, proceso de cambio, transformación, innovación… e están interesadas en recibir orientación ou asesoramento sobre como enfocar a situación por parte doutras persoas expertas e empresas da economía social xa consolidadas e que poidan ter pasado por situacións similares con anterioridade.

ES-Mentoring é un programa organizado por Agaca e EspazoCoop, que conta coa colaboración da Consellería de Promoción de Emprego, Comercio e Emigración, da Xunta de Galicia.

Es-Mentoring comezou en 2022 e logrou conformar unha rede de preto de 100 persoas mentoras que atenderon 60 mentorías de cooperativas e empresas da economía social galega. Aspira a consolidar e aumentar a rede de mentoras e os recursos destinados ano a ano.

Toda a información de ES Mentoring pode atoparse na web específica do programa: www.es-mentoring.gal

Para o ano 2024 a Unión de Cooperativas EspazoCoop vai desenvolver no marco de ES Mentoring un servizo que contempla tres liñas de acción:

Crear un catálogo da rede de persoas mentoras na economía social que presten asesoramento e acompañamento especializado, para a mellora da competitividade das entidades da economía social.
Avaliar as mentorías realizadas no programa no período 2022-2023, co fin de medir a efectividade do resultado e o impacto, en termos de mellora na/s área/s abordadas, no dito proceso, que redunda na incorporación de melloras nas seguintes edicións.
Celebrar un encontro de networking entre as mentoras e as entidades mentorizadas neste programa, co fin de incrementar un coñecemento mutuo que serva de elemento facilitador do encaixe de demanda de mentoría e a oferta de mentorización.

—

Nova relacionada: