Servizos a cooperativas socias

Asociarse dá acceso a orientación e acompañamento para crecer como cooperativa, ser parte de novas redes, promocionarvos, defender os vosos intereses, e darlle máis valor e sentido aos principios que nos unen.

O noso fin é promover o cooperativismo, consolidalo, e conectar cooperativas asociadas.

Somos un espazo de participación, de información, de aprendizaxe e de proxección.

Que servizos inclúe a cota de asociada?

  • Representación e interlocución institucional, somos unha entidade de segundo nivel que agrupa a cooperativas de Galicia e formamos parte de diversas organizacións do mundo cooperativo e da economía social, esto permite estar nos principais foros e organismos, e en entidades de interese, para defender e representar ás cooperativas e o cooperativismo a nivel galego, estatal e europeo.
  • Oferta de cursos gratuítos xestionados pola Unión de Cooperativas EspazoCoop, formación cooperativa e formación continua, presencial e telemática, a través da Aula virtual de EspazoCooop, e tamén ofertas formativas da Confederación -Coceta-.
  • Información de interese sobre cooperativas e cooperativismo para afiliadas mediante comunicados e o boletín.
  • Inclusión no Directorio de Cooperativas Socias, con presenza en internet a través da web de EspazoCoop e promoción en redes sociais e campañas de visibilización.
  • Servizo de consultas especializadas do modelo cooperativo, de temas puntuais sobre lexislación e normativa cooperativa, de fiscalidade, de xestión societaria, laboral e contable.
  • Acceso preferente a socias que demanden programas gratuítos de consolidación e asesoramento de cooperativas, como son os plans de mellora, entre outros.
  • Información e consultas puntuais sobre financiamento ético e cooperativo.
  • Difusión das iniciativas desenvoltas por EspazoCoop e produtos resultantes (guías, manuais, publicacións, vídeos…).
  • Información de convocatorias.
  • Participación en iniciativas de inter-cooperación, como son as sectoriais, ou os programas de fomento da colaboración entre cooperativas e a economía social e solidaria, xerando oportunidades.
  • Información de subvencións, axudas e licitacións.
  • Asesoría xurídica en materia educativa, para cooperativas de ensino.
  • Espazos de traballo para uso puntual na rede de oficinas de EspazoCoop en A Coruña, Santiago e Vigo, e na Rede COOPWorking de Coceta no territorio estatal.
  • Participación nas Asembleas da Unión de Cooperativas EspazoCoop, con voz e voto e dereito a ser elixida para facer parte do consello reitor.

 

 

Folleto da Unión neste enlace | Catálogo de actividades e servizos de EspazoCoop 2024 neste enlace

*EspazoCoop podería prestar outros servizos que non están incluídos na carta de servizos da cota de asociada. Eses servizos terían as súas propias tarifas e orzamentos.

 

Solicita asociarte e accede aos servizos

As novas cooperativas disfrutarán o primeiro ano de afiliación dunha bonificación do 100% da cota, porque queremos facilitar que nos coñezas e te integres na asociación para beneficiarte das actividades e servizos.

*Agás as cooperativas que fosen xa beneficiarias e usuarias dos programas da Unión de creación e constitución de empresas cooperativas, que son de carácter gratuíto.