Comunicado de EspazoCoop ante la DANA en la Comunidad Valenciana

Desde EspazoCoop queremos expresar o noso profundo pesar e solidariedade con todas as persoas afectadas pola recente DANA que azoutou á Comunidade Valenciana, deixando ao seu paso un tráxico saldo de perdas humanas e numerosos danos materiais.

Nestes momentos difíciles, transmitimos as nosas máis sinceras condolencias ás familias e persoas que perderon os seus seres queridos e a nosa preocupación por aquelas persoas que aínda se atopan desaparecidas. Solidarizámonos tamén con todas as comunidades e municipios que enfrontan as devastadoras consecuencias desta catástrofe natural.

Queremos facer unha mención especial a FEVECTA e CONCOVAL e resto de entidades de cooperativismo da Comunidade Valenciana, quen sempre demostraron un compromiso exemplar coas súas comunidades. Sabemos que o cooperativismo, co seu espírito solidario e resiliente, será un motor fundamental para a reconstrución e o apoio a quen máis o necesita. Facemos chegar a nosa disposición para colaborar na medida das nosas posibilidades e reforzar o lazo de cooperación entre as nosas entidades.

Desde EspazoCoop, reafirmamos o noso apoio e solidariedade, desexando unha pronta recuperación e ofrecendo toda a axuda necesaria para mitigar o impacto desta traxedia na vida de tantas persoas e comunidades.

Con solidariedade,

EspazoCoop