A Unión de Cooperativas Espazocoop ten a mesma estrutura política e de toma de decisións que as cooperativas.
O órgano de representación e decisión é a Asemblea xeral de socias composta polas cooperativas que a integran. A asemblea reúnese anualmente para aprobar as contas e a xestión da actividade, os orzamentos e o plan de traballo.
Esta asemblea delega as responsabilidades de goberno nun consello reitor elixido polas socias, a súa vez, conta coa colaboración dun equipo técnico formado por nove persoas, que desenvolven as distintas liñas de traballo acordadas.
CONSELLO REITOR
O consello reitor é o órgano de goberno de Espazocoop. Está formado por 5 cooperativas con dereito a voto e renóvase simultaneamente cada catro anos, podendo ser reelixidas por un máximo de dous mandatos para o mesmo cargo.
Presidencia
- Algalia s. coop. galega – Celso Gándara Carnero
Vicepresidencia
- Possumus s. coop. galega – Alfonso Fernández Rodríguez
Secretaría
- MedAtlantia s. coop. galega – Domenico Tinelli
Vogais
- Colexio Guillelme Brown s. coop. galega – Ana Otero Fernández
- 7 h cooperativa cultural s. coop. galega – Ana Olveira Blanco
INFORMACIÓN DAS PERSOAS QUE INTEGRAN O CONSELLO REITOR
Celso Gándara Carnero| Presidencia
Licenciado en Ciencias Económicas e Empresariais (Universidade de Santiago de Compostela), ten unha Maestría en coaching de persoas e equipos (Mondragón Unibertsitatea), e realizou o Programa Superior en Dirección e xestión de Cooperativas (Escola Negocios A Fundación). É xerente de Algalia, s. coop. galega desde 2009, anteriormente foi consultor en estratexia e proxectos sociais e asesor económico de entidades no lucrativas.
Foi membro do consello reitor da Unión de Cooperativas de Traballo Asociado Ugacota.
Alfonso Fernández Rodríguez | Vicepresidencia
Diplomado en Maxisterio (Universidade de Vigo). É socio fundador do Colexio Possumus s. coop. galega (1983). Neste centro imparte a materia de Educación Física en educación primaria e secundaria, ao tempo que desempeña os postos de Director do centro (1990) e Presidente da cooperativa (1993).
Foi interventor e membro do consello reitor da Unión de Cooperativas de Ensino de Traballo Asociado de Galicia (Ucetag). Tamén estivo na vicepresidencia da Federación de Cooperativas Sinerxia.
Domenico Tinelli | Secretaría
Licenciado en Ciencias Políticas e da Administración (Universidade de Bari -Italia), Maestría en xestión do goberno autonómico e desenvolvemento local, é especialista en institucións, políticas e programas da UE. É socio de MedAtlantia Consultoría Europea s. coop. galega, é consultor, responsable de proxectos internacionais para Innovación e Desenvolvemento Territorial. Asesora na xestión de proxectos e na busca de oportunidades de financiamento a distintos niveis institucionais e territoriais.
Foi membro do consello reitor da Unión de Cooperativas de Traballo Asociado Ugacota.
Ana Otero Fernández | Vogal
Diplomada en Maxisterio (Escola de Maxisterio de Ourense) na especialidade físico-matemática. É socia fundadora do Colexio Guillelme Brown s. coop. galega (1987), onde traballa como profesora de ciencias naturais e sociais en 5ª e 6ª de primaria, bioloxía-xeoloxía de 1ª ESO e física-química en 2ª ESO. É Presidenta da cooperativa dende o 2001.
Foi membro do consello reitor da Unión de Cooperativas de Ensino de Traballo Asociado de Galicia (Ucetag).
Ana Olveira Blanco | Vogal
Diplomada en Relacións Laborais (Universidade de Santiago de Compostela), e Posgrado en Xestión e Dirección Laboral na especialidade de Xestión Sociolaboral. É especialista en Economía Social, particularmente no ámbito cooperativo, prepara a súa Tese Doutoral sobre “A Cooperativa: emprendemento en feminino. O modelo cooperativo como organización que favorece a participación das mulleres na xestión empresarial, factores que o determinan. Aplicación á empresa capitalista”. É socia traballadora en 7H cooperativa cultural s. coop. galega, onde é responsable do departamento de administración.
É membro da Rede de Xoves Investigadores en Economía Social – REJIES, e foi Presidenta da Unión de Consumidores de Galicia.