Charlas de sensibilización cooperativa: `Y tú, Conoces la Fórmula?´

Como primeiro paso para dinamizar e impulsar o emprendemento en cooperativa é sensibilizar sobre esta alternativa de autoemprego e emprendemento en colectivo. A través dun programa de sensibilización achegamos ás persoas como é a realidade dunha cooperativa, as súas particularidades e as potencialidades deste modelo.

O coñecemento é esencial para eliminar prexuízos e desinformacións, así como para promover unha mentalidade de colaboración e traballo en equipo.

A programación 2021-2023 realizada pola Unión de Cooperativas EspazoCoop, dentro do Programa Operativo de Inclusión Social e Economía Social POISES, convocado por Cepes e financiado polo FSE, incluiu a realización de 17 charlas divulgativas tituladas “E ti, coñeces a fórmula?”, que están destinadas a aumentar o coñecemento e a comprensión sobre os valores e vantaxes do emprendemento en cooperativa, así como concienciar á xente sobre a súa relevancia para fomentar a economía local e o empoderamento das comunidades e colectivos, especialmente no rural, para mulleres e entre a mocidade, por ser unha ferramenta idónea nos procesos de participación e colaborativos.

Coas Charlas cúbrense os seguintes obxectivos:

• Dar a coñecer o cooperativismo, o funcionamento das cooperativas e as súas vantaxes en comparación con outros modelos de negocio.
• Eliminar mitos e prexuízos sobre o cooperativismo e os procesos de traballo participativos.
• Visibilizar cómo o emprendemento en cooperativa pode contribuír á mellora da empregabilidade e ao crecemento profesional.

As Charlas programadas no período do Programa POISES 2021-2023 beneficiaron a 239 persoas, e 16 organizacións e entidades, desenvolvéndose tanto en modalidade presencial como telemática, son as que se relacionan a seguir:

CHARLAS:  E TI, COÑECES A FÓRMULA?

CO APOIO DE: