Programa: Sensibilización para o Emprendemento Cooperativo

Como primeiro paso para dinamizar e impulsar o emprendemento en cooperativa é sensibilizar sobre esta alternativa de autoemprego e emprendemento en colectivo. A través dun programa de sensibilización achegamos ás persoas como é a realidade dunha cooperativa, as súas particularidades e as potencialidades deste modelo.

O coñecemento é esencial para eliminar prexuízos e desinformacións, así como para promover unha mentalidade de colaboración e traballo en equipo.

A programación 2023-2024 realizada pola Unión de Cooperativas EspazoCoop, en colaboración coa Rede Eusumo (Xunta de Galicia), e o Programa de Emprego, Formación, Educación e Economía Social, EFESO, cofinanciado por el Fondo Social Europeo Plus para el periodo 2021-2027, a través del organismo intermedio CEPES.

contempla a realización de 10 charlas divulgativas tituladas “E ti, coñeces a fórmula?”, que están destinadas a aumentar o coñecemento e a comprensión sobre os valores e vantaxes do emprendemento en cooperativa, así como concienciar á xente sobre a súa relevancia para fomentar a economía local e o empoderamento das comunidades e colectivos, especialmente no rural, para mulleres e entre a mocidade, por ser unha ferramenta idónea nos procesos de participación e colaborativos.

Coas Charlas cubriremos os seguintes obxectivos:

Dar a coñecer o cooperativismo, o funcionamento das cooperativas e as súas vantaxes en comparación con outros modelos de negocio.
Eliminar mitos e prexuízos sobre o cooperativismo e os procesos de traballo participativos.
Visibilizar cómo o emprendemento en cooperativa pode contribuír á mellora da empregabilidade e ao crecemento profesional.

Axenda de Charlas programadas:

En 2024

07/03/24 Ordes | E ti, Coñeces a Fórmula? | Casa da Cultura de Ordes | De 9.00 a 12.30 h.

30/04/24 Ribeira | E ti, Coñeces a Fórmula? | En colaboración co PIE «Programa Integrado de Emprego» do Concello de Ribeira | Na Aula de formación da Lonxa de Ribeira, Porto Pesqueiro s/n | De 9.30 a 13.30 h.
24/05/24 Mos | E ti, Coñeces a Fórmula? | Axencia de colocación de Mos – Salón de Actos. Avda. Peinador, 39, Mos. | De 10 a 12.30 h.
04/06/24 Vigo | E ti, Coñeces a Fórmula? | Escola Municipal de Artes e Oficios (EMAO) do Concello de Vigo |ACTIVIDADE POSPOSTA |
Próxima actividade: 26/06/24 O Porriño | E ti, Coñeces a Fórmula? | Aula do segundo andar do Edificio Multiusos de Torneiros no Concello de O Porriño | Programa aquí – Inscrición aquí | De 10 a 13 h.

En 2023

02/10/23 Ames | E ti, Coñeces a Fórmula? | Obradoiro de Emprego do Concello de Ames | De 9.00 a 11.30 h.
21/10/23 Moaña | E ti, Coñeces a Fórmula? | A Talangreira do Beque en Moaña | De 11.00 a 13.30 h.
31/10/23 Cangas | E ti, Coñeces a Fórmula? | IES Rodeira en Cangas do Morrazo | De 9.15 a 12.00 h.
20/10/23 Betanzos | E ti, Coñeces a Fórmula? | IES As Mariñas en Betanzos | De 9.15 a 12.15 h.
28/11/23 Vigo | E ti, Coñeces a Fórmula? | IES A Guía | De 12 a 14.30 h.
14/12/23 Chantada | E ti, Coñeces a Fórmula? | IES Val do Asma | De 11.45-14.15 h.