Xa en marcha a web de EspazoCoop Emprende

Desde a Unión habilitouse a páxina específica desta iniciativa para todas as persoas interesadas en emprender en cooperativa.

A Unión acaba de publicar a web de EspazoCoop Emprende, o proxecto que busca aumentar as competencias emprendedoras, a creación de empresas cooperativas, e garantir a supervivencia empresarial, mediante o asesoramento e o acompañamento a grupos de persoas promotoras que queiran pór en marcha novos proxectos empresariais de autoemprego. Pódese visitar en: https://espazo.coop/emprende/

Con esta páxina, desde a Unión búscase facilitar a información desta iniciativa e favorecer o contacto por parte das persoas interesadas en emprender en cooperativa. Nesta páxina web pódese atopar os servizos, recursos e rede que ofrece EspazoCoop no marco deste proxecto.

Se coñecedes a alguén que está agora mesmo nun proceso de interese de montar unha cooperativa ou a grupos de persoas promotoras que queiran pór en marcha novos proxectos empresariais de autoemprego, convidámosvos a compartir con elas esta páxina web para descubrir todo o que EspazoCoop Emprende ten para ofrecer.

EspazoCoop Emprende conta con financiamento do Fondo Social Europeo Plus para o período 2021-2027, a través do organismo intermedio CEPES, no marco do Programa de Emprego, Formación, Educación e Economía Social (EFESO). Esta iniciativa ten como obxectivo aumentar as competencias emprendedoras e incrementar o número de empresas e iniciativas de autoemprego colectivo creadas baixo fórmulas de economía social, así como sentar as bases para a súa supervivencia a través de servizos de apoio e asesoramento ao emprendemento.