Sesión matinal:

– Miguel Ángel Moral Salvidegoitia. Licenciado en ciencias matemáticas, e Máster en xestión de empresas. Actualmente é Director da Fundación Colegio Vizcaya Fundazioa. Foi Mestre e socio da cooperativa de ensino Colexio Vizcaya durante máis de 35 anos (ata 2018), ademais de director. Cunha longa experiencia no movemento cooperativo foi membro e participou na Sectorial de Ensino de Erkide, en UECoE, en Ikasgiltza, ten experiencia como conselleiro en Innovación Social, está no Grupo Avanzado de Calidade en Educción de Euskalit, no Forum Europeo de Administradores/as do Ensino e na Asociación de Graduados/as en Máster de xestión de empresas.

Durante a súa traxectoria profesional na cooperativa de ensino, Colexio Vizcaya, o centro obtivo diversos premios, entre outros destacamos: 

• Premio Aixe Getxo (no apartado de Educación e Valores) – 2018
• Premio Internacional á Innovación no Sector Educativo – 2017
• Europe Region of the International Co-Operative Aliance (modelo de boas prácticas en Euskadi) – 2014

Sesión tarde:

– Nosa Enerxía. Nosa Enerxía é unha cooperativa de consumidoras e usuarias. O obxecto de Nosa Enerxía é a comercialización de enerxía de orixe renovable para as socias/os, proporcionando un servizo de calidade a un prezo xusto.– Teixugo. Teixugo é unha empresa Cooperativa froito do traballo en común de varios profesionais procedentes de campos como a Bioloxía, a Educación Ambiental, Maxisterio, Pedagoxía e o Conservacionismo. Contan cunha ampla experiencia de máis de vinte anos no ámbito da Educación Ambiental e na Xestión de distintos proxectos ambientais. Todos os seus traballos van encamiñados á concienciación e capacitación das persoas nos conceptos do desenvolvemento sostible, coñecemento e conservación do medio ambiente, así como o estudio e recuperación do noso patrimonio cultural, etnográfico e histórico.