Programa «Ecosistema Emprendedor en la Economía Social» [Concello de Santiago de Compostela]
Impulso dun ecosistema emprendedor na economía social e cooperativa.
Financiado polo Concello de Santiago de Compostela.
Período: Dende 2020 – En curso.
A Unión de Cooperativas EspazoCoop ven realizando programas de fomento do cooperativismo e a economía social en colaboración co Concello de Santiago dende o ano 2020.
O proxecto de accións do Concello para o ámbito da economía social ten por finalidade e obxectivos :
> Impulsar un ecosistema emprendedor no cooperativismo e a economía social na contorna de Santiago de Compostela.
> Achegar ás persoas prescriptoras de emprego e emprendemento, das diferentes entidades e organizacións, as especificidades, características e vantaxes do emprendemento cooperativo e a economía social.
> Visibilizar e divulgar entre a poboación en xeral os modelos de empresas de Economía Social e o das cooperativas en particular como fórmula de creación de emprego estable e de calidade, fixación da poboación, acceso das mulleres a postos de responsabilidade e limitación da fenda salarial, recuperación de empresas en crise, etc.
> Dar a coñecer a persoas en proceso de busca de emprego, persoas interesadas en incorporarse ao mercado de traballo a través do emprendemento colectivo, grupos promotores de cooperativas, profesionais autónomos interesados en compartir servizos, recursos, investimentos, etc. o modelo de emprendemento cooperativo.
No último programa, do ano 2023, desenvolvéronse estas liñas de traballo:
[ Liña 1, Formación ] programa composto por 5 accións formativas.
- Teleformación para persoas prescritoras de emprego e emprendemento (1 curso).
- Formación de Titoras Xerenciais (1 curso).
- Itinerario formativo para persoas con interese no emprendemento colectivo (3 cursos).
[ Liña 2, Emprendemento Feminino ] realización dunha Xornada ao redor do emprendemento feminino no que abordar tamén o cooperativismo.
[ Liña 3, Tecendo Redes ] integrada por unha xornada para xerar redes a favor do cooperativismo:
Xornada Tecendo Redes | Networking
[ Liña 4, Divulgación – Roteiros Cooperativos ] desenvolvemento dunha ruta na que visitar cooperativas coa finalidade de dar a coñecer e identificar cooperativas que están presentes, no día a día da cidadanía ao tempo que promocionar o modelo cooperativo, identificándoo con proxectos viables e activos.
- Máis información, nova relacionada
- Folleto Roteiros Cooperativos