Celebrouse a 1ª Asemblea xeral da unión de cooperativas Espazocoop | 2 xuño 2017
O venres 2 de xuño á tarde celebrouse a primeira asemblea de socias de Espazocoop, e a continuación un acto de visibilización e posta en valor do cooperativismo, que serviu tanto como peche do proceso de fusión, como de presentación aos medios e á cidadanía de Espazocoop. O evento tamén foi unha celebración do cooperativismo.
A Asemblea desenvolveuse dende ás 15.30 h. na Cidade da Cultura en Santiago de Compostela, contou coa participación de cooperativas socias, representantes do consello reitor e membros do equipo técnico da unión.
Presentouse o Informe da xestión social de 2016 das entidades fusionadas e aprobáronse as Contas 2016 e a Distribución do resultado económico. No referente ao ano actual presentouse e aprobouse o Plan de traballo e os Orzamentos 2017, e por último abordouse o importe da cota asociativa para este ano.
A asemblea, é un espazo de participación, no que tratar cuestións obrigatorias e formais, pero tamén é un espazo no que optimizamos a asistencia das socias e desenvolvemos dinámicas de participación para recoller inquedanzas, reflexións e demandas das cooperativas. Nesta ocasión tamén reservamos un tempo para explorar necesidades, reflexións e facilitar a expresión.
Convocatoria – Asemblea de socias Espazocoop 02/06/17 : aquí
Na sección Transparencia da web podes consultar documentación presentada en asemblea.
-
- Asemblea de Socias 2017 – Espazocoop
-
- Asemblea de Socias 2017 – Espazocoop
-
- Asemblea de Socias 2017 – Espazocoop
-
- Celso Gándara (Presidente) – Tino Gago (Xerente) – Espazocoop
-
- Dinámica de participación – Asemblea 2017 Espazocoop
-
- Dinámica de participación – Asemblea 2017 Espazocoop
-
- Todo a punto para iniciar a Asemblea
-
- Participando nas dinámicas – Asemblea 2017 Espazocoop
-
- Participando nas dinámicas – Asemblea 2017 Espazocoop
