Xornada 8/xullo/25

+COOP, creamos cooperativas

A Unión de Cooperativas EspazoCoop vén desenvolvendo no período 2024-2025, en colaboración coa Rede Eusumo- Xunta de Galicia, Cepes e o FSE, o PROGRAMA +COOP, que presta apoio á cidadanía para crear empresas cooperativas e con elo acceder ao emprego, mediante unha fórmula do autoemprego colectivo.

+COOP ofrece servizos de orientación, asesoramento e acompañamento especializado a aqueles grupos de persoas que queren emprender, para facer das súas ideas de negocio e da súa actividade profesional, proxectos cooperativos viables, económica e societariamente.

Os procesos de atención a usurias realizados pola Unión de Cooperativas, son reflexivos e participados, e pasan por distintas etapas antes da constitución da cooperativa, dependendo do grao de maduración do grupo emprendedor e do proxecto, polo que deseña un itinerario personalizado, a medida das necesidades.

Sendo EspazoCooop unha entidade de referencia en Galicia na promoción das cooperativas, e un dos puntos fundamentais aos que acodir para coñecer como poñer en marcha unha empresa deste tipo, o persoal técnico dá o soporte axeitado nas primeiras etapas de vida, axuda a constituíla, a consolidarse, e facilita a opción de formar parte dun grupo amplo de cooperativas coas que poder colaborar e xerar negocio, asociándose á Unión, que ademais, defenderá os seus intereses como entidade representativa que é do cooperativismo galego.

As singularidades das cooperativas como empresas de participación e xestión democrática requiren de apoios que sexan verdadeiramente coñecedores desta fórmula empresarial para darlle as claves oportunas ao grupo emprendedor.

O martes 8 de xullo ás 10 horas en Vigo terá lugar a xornada fin de proxecto: +COOP CREAMOS COOPERATIVAS, do período 2024-2025, destinada a:

• Persoas con idea de emprender en colectivo.
• Cooperativas beneficiarias do programa.
• Persoal técnico de servizos de emprego e emprendemento: técnicas/os de emprego, axentes de desenvolvemento local, profesionais de asesorías e xestorías, profesorado de formación profesional, orientadoras/es laborais…
• Cooperativas de recente constitución non socias.

> Programa da  xornada +COOP CREAMOS COOPERATIVAS

> Cartel  +COOP CREAMOS COOPERATIVAS 

> Inscríbete e participa: neste enlace

Esperámoste! na xornada de intercambio para compartir ideas e recursos, mostrar boas prácticas de creación de emprego, e facer rede!

Este programa enmárcase:

– No programa de actuación 2024-2025 da Rede Eusumo. A Rede Eusumo é unha rede de colaboración impulsada pola Secretaría Xeral de Apoio ao Emprego, Traballo Autónomo e Economía Social da Consellería de Promoción do Emprego e Igualdade para o fomento do cooperativismo e a economía social.

– Programa de Empleo, Formación, Educación y Economía Social, EFESO, cofinanciado por el Fondo Social Europeo Plus para el periodo 2021-2027, a través del organismo intermedio CEPES.