FORTIA CARDINAL: un proxecto plurirrexional para o fortalecemento da Economía Social

A nosa socia, Xedega S. Coop. Galega anuncian a súa participación no proxecto FORTIA CARDINAL, unha iniciativa innovadora de intercooperación entre entidades de economía social que busca fortalecer o tecido de micro e pequenas cooperativas en catro comunidades autónomas: Andalucía, Euskadi, Galicia e Comunitat Valenciana.

FORTIA CARDINAL nace da alianza de catro cooperativas: GEDES (grupo Autonomía Sur), INBIKU, XEDEGA e TRANSVERSAL. Comparten unha misión común: construír un ecosistema de apoio a través do intercambio de coñecemento, a asistencia técnica especializada e a capacitación adaptada á realidade das entidades participantes.

Durante os tres anos de duración do proxecto (2025–2027), polo menos 12 cooperativas serán acompañadas en procesos clave como:

• Diagnóstico e planificación estratéxica

• Xestión económico-financeira e comercial

• Dixitalización e transformación organizativa

• Desenvolvemento de persoas e liderado participativo

• Creación de alianzas estratéxicas e medición de impacto

FORTIA provén do latín “forza” e CARDINAL alude aos puntos cardinales desde os que se impulsa esta iniciativa transformadora.

O proxecto está financiado pola Unión Europea, o Ministerio de Traballo e Economía Social, e CEPES, e forma parte do Plan Integral de Impulso á Economía Social (PIIES). No 2025 ábrese unha convocatoria para seleccionar novas cooperativas participantes interesadas en iniciar o seu propio proceso de fortalecemento.

👉 Se formas parte dunha entidade da Economía Social e estás interesada en recibir acompañamento, segue as súas redes e ponte en contacto.

🤝 Promovido por: