A cooperativa Tako organiza cada mes «Galicia Podcast Summit»

Encontros mensuais sobre podcasting, o último mércores de cada mes, para crear un espazo onde as persoas asistentes poden compartir experiencias, aprender novas técnicas e establecer conexións dentro da comunidade de podcasting en Galicia.

Que é Galicia Podcast Summit?

Trátase dun encontro mensual sobre podcasting no que se reúnen todo tipo de persoas implicadas na industria para analizar a actualidade do sector, coñecer as últimas novidades do formato e participar en actividades de networking que permitan o desenvolvemento dunha comunidade de podcasting.

Galicia Podcast Summit é un evento de conexión, aprendizaxe e difusión para a comunidade galega de podcasting e os seus proxectos.

O espazo está deseñado para reunir podcasters, oíntes, produtores, xornalistas e outros actores implicados na industria do podcasting.

Información: https://galiciapodcastsummit.com/

Próximo evento: Mércores, 26 de xuño de 2024, 16:30 h. | Centro de Negocios Papagaio (A Coruña)