Auditoría Social 2024: mide os teus impactos, fortalece a túa coherencia

Neste momento do ano no que moitas entidades revisan os seus plans, avalían o seu percorrido e proxectan horizontes, REAS Galicia lanza a campaña de Auditoría Social. Un convite a deterse, mirarse por dentro e coidar colectivamente as nosas prácticas como entidades de Economía Social e Solidaria ( ESS). Un exercicio de autocoidado, reflexión, coherencia interna, transparencia e fortalecemento do sector.

Nun contexto global marcado pola crise ecosocial e a mercantilización de conceptos como “sustentabilidade” ou “impacto social” a ESS impulsa un modelo económico transformador, crítico e feminista, que pon ás persoas e ao planeta no centro e conecta cos Obxectivos de Desenvolvemento Sostible.

“En REAS Galicia contamos cunha ferramenta clave para que entidades de Economía Social e Solidaria poidan levar a cabo un proceso de reflexión e mellora continua fortalecendo a sua coherencia interna, así como unha rendición de contas transparente e democrática”. Sinalan dende REAS.

Que é Auditoría Social?

Esta ferramenta en liña, a través dunha serie de indicadores, recolle información para que cada entidade mida e avalie o seu compromiso e desempeño en relación aos principios de equidade, democracia interna, compromiso coa contorna, ausencia de ánimo de lucro, reparto xusto da riqueza e cooperación.

Que beneficios ten participar?

Individualmente, cada entidade obtén :

• Informe que lles permite mellorar as súas estratexias e plan de acción.
• Infografía personalizada e visual que comunica os seus resultados nun exercicio de transparencia.
• Inclusión no mapa estatal do mercado Social de REAS Red de Redes.
• Como novidade, este ano REAS Galicia entregará un selo de recoñecemento ás entidades que completen o proceso.
• Ademais, os datos agregados de todas as auditorías realizadas servirán para elaborar os informes estatais e o primeiro informe territorial de Galicia, claves para fortalecer a nosa identidade como sector, visibilizar o valor social das nosas entidades no ecosistema galego e avanzar cara procesos de incidencia política.

Auditoría Social, unha ferramenta ética.

Realizar a Auditoría Social é máis ca un trámite técnico, vai máis alá de render contas, é unha práctica ética, un acto de transparencia colectiva e unha garantía da nosa coherencia cos valores que defendemos.

É a forma de mirarnos criticamente, coidar os nosos procesos e mostrar ao mundo que outro modelo non so é posible, senón que está en marcha. Non chega con facer declaracións de valores, se non que debemos demostrar con datos fiables que sostemos outra forma de facer economía, sinalan dende REAS..

Súmate a este exercicio de coherencia colectiva.

Dende Reas Galicia, animan a todas as entidades parte deste ecosistema transformador a participar voluntariamente neste proceso. Sumarse fortalécenos internamente como rede, visibiliza o impacto das nosas prácticas, o compromiso cos ODS e a xustiza social e ambiental.

Participa ata o 10 de setembro.

Poderás rexistrar os teus datos ata o 10 de setembro na plataforma dixital: https://ensinaocorazon.org

E solicitar acompañamento personalizado e todos os materiais formativos e guías de acompañamento no seguine enderezo electrónico: galiciaauditoriasocial@reas.red