Servizos agropecuarios
A cooperativa nace no ano 2001, constituída por profesionais do mundo agrogandeiro, co fin de prestar servizos técnicos a gandeiros e explotacións gandeiras de vacún de leite, servizo de reprodución, alimentación, calidade do leite e podoloxía así coma a xestión de finanzamento para os seus clientes.
Actualmente atende a 1.200 explotacións gandeiras de leite en Galicia e conta con 18 veterinarios, 3 enxeñeiros agrónomos e 12 técnicos en podoloxía. A cooperativa realiza actividades de formación e divulgación, para o que conta con instalacións propias e organiza desde hai anos as xornadas de Vacún de Leite, que se levan a cabo na Facultade de Veterinaria de Lugo. Esta xornada é unha cita imprescindible para numerosos gandeiros que teñen a oportunidade de coñecer e debater sobre aspectos que afectan tanto á mellora da xestión da súa explotación, como a dos procesos de produción e tratamento dos residuos.
IX XORNADAS TÉCNICAS DE VACÚN DE LEITE DE SERAGRO. Presentación from Transmedia on Vimeo.