{"id":50348,"date":"2026-07-13T12:15:31","date_gmt":"2026-07-13T10:15:31","guid":{"rendered":"https:\/\/espazo.coop\/?p=50348"},"modified":"2026-07-13T12:15:31","modified_gmt":"2026-07-13T10:15:31","slug":"conociendo-a-outonia-s-coop-galega","status":"publish","type":"post","link":"https:\/\/espazo.coop\/es\/noticias-del-cooperativismo\/conociendo-a-outonia-s-coop-galega\/","title":{"rendered":"CONOCIENDO A: Outon\u00eda S. Coop. Galega"},"content":{"rendered":"

CO\u00d1ECENDO A: <\/b><\/h1>\n

Outon\u00eda S. Coop. Galega<\/b><\/h1>\n

Un espazo para dar voz \u00e1s cooperativas socias de EspazoCoop, compartindo as s\u00faas experiencias, boas pr\u00e1cticas e o seu impacto no tecido econ\u00f3mico e social.<\/i><\/p>\n

<\/h1>\n

<\/h1>\n

Outon\u00eda: facer cooperativa desde as ra\u00edces do rural<\/b><\/h1>\n

\u00abO rural est\u00e1 vivo e en transformaci\u00f3n. N\u00f3s acompa\u00f1amos os procesos que xa est\u00e1n a acontecer\u00bb<\/b><\/p>\n

Cinco anos despois de nacer desde a necesidade e o so\u00f1o, Outon\u00eda consol\u00eddase como unha das cooperativas de traballo asociado m\u00e1is singulares da econom\u00eda social galega. Sen sede nun despacho, sen\u00f3n nos cami\u00f1os e nas prazas das monta\u00f1as de Lugo e Ourense, este colectivo de educadoras e educadores sociais leva media d\u00e9cada activando procesos culturais comunitarios al\u00ed onde outros s\u00f3 v\u00edron baleiro demogr\u00e1fico.<\/p>\n

De onde v\u00e9n Outon\u00eda e cara onde vai<\/b><\/h2>\n

Tania S\u00e1nchez e Araceli Mac\u00edas, socias fundadoras, xunto a Branca Alb\u00e1n e Pablo Barrio \u2014e coa incorporaci\u00f3n recente de Alba Fari\u00f1a no acompa\u00f1amento a grupos\u2014, conforman hoxe un equipo que non entende a cooperativa como un modelo de xesti\u00f3n, sen\u00f3n como un xeito de habitar o mundo. A idea fundacional foi, ao tempo, pragm\u00e1tica e pol\u00edtica: xerar arraigo nos territorios que desexaban habitar e facelo desde un modelo de autoemprego que dignificase a profesi\u00f3n da educaci\u00f3n social.<\/p>\n

Ao longo destes anos, a actividade foi mutar e ampliarse. Se no comezo o marco era claramente o da educaci\u00f3n social e a pedagox\u00eda directa, hoxe Outon\u00eda define a s\u00faa pr\u00e1ctica arredor de tres eixos \u2014Cultura, Memoria e Escola<\/b>\u2014 que funcionan de forma transversal e que integran procesos de participaci\u00f3n, mediaci\u00f3n e patrimonio comunitario. Non como compartimentos estancos, sen\u00f3n como un organismo vivo que se adapta ao que cada territorio precisa.<\/p>\n

O modelo cooperativo como ferramenta de transformaci\u00f3n<\/b><\/h2>\n

\u00abIntegrar este xeito de cooperar ofreceunos un espazo para problematizar arredor da horizontalidade e dos procesos colectivos\u00bb<\/i><\/p>\n

Outon\u00eda describe o seu modelo como \u00abat\u00edpico\u00bb dentro do cooperativismo de traballo asociado. Non existe unha divisi\u00f3n r\u00edxida de servizos nin cadaqu\u00e9n funciona como unidade independente: os procesos \u00e1brense en conxunto, val\u00f3ranse colectivamente as estratexias de intervenci\u00f3n e as aprendizaxes son compartidas. A horizontalidade non \u00e9 un valor de cara \u00e1 galer\u00eda, sen\u00f3n un exercicio diario que tam\u00e9n ten as s\u00faas tensi\u00f3ns.<\/p>\n

A flexibilidade da xornada, a rotaci\u00f3n de responsabilidades e a ausencia de \u00e1nimo de lucro perm\u00edtenlles redirixir recursos cara os procesos internos e o coidado do equipo. Un modelo que, segundo describen, procura sosterse sen sacrificar o benestar das persoas que o conforman.<\/p>\n

O \u00abselo Outon\u00eda\u00bb: procesos feitos a man<\/b><\/h2>\n

Se houbese que identificar o que diferencia a esta cooperativa doutras entidades que traballan no rural, o propio equipo apuntar\u00eda a catro trazos:<\/p>\n