{"id":49541,"date":"2026-05-04T10:49:37","date_gmt":"2026-05-04T08:49:37","guid":{"rendered":"https:\/\/espazo.coop\/?p=49541"},"modified":"2026-05-04T10:49:37","modified_gmt":"2026-05-04T08:49:37","slug":"la-ministra-yolanda-diaz-se-reune-con-cooperativas-gallegas-de-cuidados-y-vivienda-en-un-acto-organizado-por-espazocoop","status":"publish","type":"post","link":"https:\/\/espazo.coop\/es\/espazocoop\/la-ministra-yolanda-diaz-se-reune-con-cooperativas-gallegas-de-cuidados-y-vivienda-en-un-acto-organizado-por-espazocoop\/","title":{"rendered":"La ministra Yolanda D\u00edaz se re\u00fane con cooperativas gallegas de cuidados y vivienda en un acto organizado por EspazoCoop"},"content":{"rendered":"

A ministra Yolanda D\u00edaz re\u00fanese con cooperativas galegas de coidados e vivenda nun acto organizado por EspazoCoop<\/strong><\/span><\/h1>\n

 <\/p>\n

No encontro participaron nove cooperativas de coidados, vivenda e intervenci\u00f3n social coa Vicepresidenta Segunda do Goberno, Yolanda D\u00edaz, e a Secretaria de Estado para a Econom\u00eda Social<\/b><\/p>\n

O encontro \u00abCoidar, habitar, inclu\u00edr\u00bb celebrouse o s\u00e1bado 2 de maio no Centro Municipal de Empresas Accede Papagaio de A Coru\u00f1a, nun acto organizado pola Uni\u00f3n de Cooperativas Galegas EspazoCoop no que participaron a presidenta da entidade, Ana Olveira, e a Vicepresidenta Segunda do Goberno e Ministra de Traballo e Econom\u00eda Social, Yolanda D\u00edaz, xunto coa Secretaria de Estado para a Econom\u00eda Social. O acto reuniu representantes de nove cooperativas galegas dos sectores dos coidados, a vivenda colaborativa e a intervenci\u00f3n social, e confirmou a Galicia como territorio de referencia dun cooperativismo que d\u00e1 resposta a necesidades esenciais das persoas.<\/p>\n

Durante d\u00faas horas de traballo, as cooperativas participantes presentaron ante a Ministra os seus modelos: desde as redes de Casas do Maior na Costa da Morte ata os proxectos de vivenda en cesi\u00f3n de uso en A Coru\u00f1a e Santiago de Compostela, pasando por iniciativas de inclusi\u00f3n social en Ribeira, educaci\u00f3n multidisciplinar en Carballo ou intervenci\u00f3n sociosanitaria en As Somozas. Un percorrido que evidenciou a capacidade do cooperativismo para xerar servizos de calidade, emprego digno e arraigo territorial.<\/p>\n

A Ministra Yolanda D\u00edaz tomou a palabra tras o sa\u00fado inicial e ao remate do encontro para recoller as conclusi\u00f3ns das cooperativas participantes. Ao comenzo agradeceu o traballo que desenvolven as cooperativas \u201cque realizades cada d\u00eda: acompa\u00f1ar procesos de vida, garantir dereitos, abrir oportunidades e constru\u00edr contornas m\u00e1is inclusivas<\/i>\u201d.<\/p>\n

Tam\u00e9n salientou que \u201ca aprobaci\u00f3n da Lei Integral de Impulso da Econom\u00eda Social, unha reforma agardada que moderniza e reforza o marco lexislativo do sector. Esta nova norma actualiza a Lei de Econom\u00eda Social, a Lei de Cooperativas e a Lei de Empresas de Inserci\u00f3n; clarifica o cat\u00e1logo de entidades da econom\u00eda social; ampl\u00eda os colectivos que poden acceder a itinerarios de inserci\u00f3n; impulsa f\u00f3rmulas innovadoras como a vivenda cooperativa en cesi\u00f3n de uso, as comunidades enerx\u00e9ticas ou o comercio xusto; e reforza a contrataci\u00f3n p\u00fablica reservada. En definitiva, sup\u00f3n un avance decisivo para dotar o sector de maior reco\u00f1ecemento, fortaleza e capacidade de resposta ante os retos actuais. A este fito s\u00famanse outros avances relevantes. Por primeira vez, Espa\u00f1a publicou a s\u00faa Conta Sat\u00e9lite da Econom\u00eda Social. Grazas a ela dispomos dunha fotograf\u00eda rigorosa e comparable da dimensi\u00f3n econ\u00f3mica, laboral e produtiva dun sector cuxa cifra de negocios representa xa o 11,1% do PIB e xera 2,5 mill\u00f3ns de emprego<\/i>s\u201d.<\/p>\n

Un chamamento desde as cooperativas<\/b><\/p>\n

Pola s\u00faa banda, a presidenta de EspazoCoop, Ana Olveira, abriu o encontro cunha mensaxe clara: as cooperativas galegas non son unha alternativa marxinal, sen\u00f3n un modelo maduro, sostible e con capacidade de escala. No seu peche, recolleu as conclusi\u00f3ns das cooperativas participantes e trasladounas directamente \u00e1 Ministra como base para avanzar nun marco de colaboraci\u00f3n p\u00fablico-cooperativa m\u00e1is s\u00f3lido.<\/p>\n

\u00abAs cooperativas que est\u00e1n aqu\u00ed hoxe non son experiencias illadas. Son a demostraci\u00f3n de que outro xeito de prestar servizos esenciais \u00e9 posible: con m\u00e1is democracia, m\u00e1is territorio e m\u00e1is persoas no centro. Necesitamos que as pol\u00edticas p\u00fablicas reco\u00f1ezan iso e o apoien con instrumentos concretos. Reclamamos unha fiscalidade deste s\u00e9culo, que se adapte a un modelo que coida das persoas que o forman e da sociedade no seu conxunto. Do mesmo xeito, pensamos que o cooperativismo pode ser un gran aliado para o reto do relevo xeracional que se ten que dar no tecido empresarial galego, para isto precisamos que mecanismo como a capitalizaci\u00f3n do desemprego sexa unha ferramenta real e accesible que favoreza o cambio e non que o dificulte. En definitiva precisamos de normas feitas para o noso modelo empresarial e non simplemente parches que adapten normas que non est\u00e1n pensandas para n\u00f3s <\/i>\u201d, sinalou Ana Olveira, presidenta de EspazoCoop.<\/p>\n

Olveira destacou tam\u00e9n o valor da diversidade de sectores presentes no encontro \u2014coidados, vivenda e intervenci\u00f3n social\u2014 como expresi\u00f3n da transversalidade do cooperativismo e da s\u00faa capacidade para responder a distintos retos sociais desde un mesmo modelo de empresa. \u00abQue nunha mesma sala convivan cooperativas que cuidan a maiores e crianzas , que constr\u00faen vivenda accesible e que traballan con persoas en exclusi\u00f3n \u00e9 xa de seu unha declaraci\u00f3n pol\u00edtica. O cooperativismo non escolle entre sectores: acompa\u00f1a \u00e1s persoas onde as necesidades son maiores<\/i>\u00ab, salientou.<\/p>\n

As cooperativas que intervi\u00f1eron<\/b><\/p>\n

Durante o encontro, representantes das seguintes entidades presentaron os seus proxectos e modelos de traballo:<\/p>\n