{"id":39482,"date":"2023-10-10T10:13:26","date_gmt":"2023-10-10T08:13:26","guid":{"rendered":"https:\/\/espazo.coop\/?p=39482"},"modified":"2023-10-10T10:13:26","modified_gmt":"2023-10-10T08:13:26","slug":"ayudas-a-empresas-de-economia-social-del-concello-de-santiago","status":"publish","type":"post","link":"https:\/\/espazo.coop\/es\/convocatoria\/ayudas-a-empresas-de-economia-social-del-concello-de-santiago\/","title":{"rendered":"Ayudas a empresas de econom\u00eda social del Concello de Santiago"},"content":{"rendered":"

Axudas a empresas de econom\u00eda social do Concello de Santiago<\/strong><\/h1>\n
\n

\n<\/div>\n

A Conceller\u00eda de Dereitos e Servizos Sociais pon en marcha unha nova convocatoria das subvenci\u00f3ns destinadas a apoiar as empresas de econom\u00eda social, cunhas bases nas que se introduciron modificaci\u00f3ns co obxectivo de incentivar o emprego feminino e de persoas con discapacidade ou en situaci\u00f3n de exclusi\u00f3n. Explicouno a concelleira Mar\u00eda Rozas, despois da aprobaci\u00f3n da convocatoria na Xunta de Goberno celebrada esta ma\u00f1\u00e1. \u00c1s axudas destinarase un importe total de 160.000 euros.<\/p>\n

A concelleira de Dereitos e Servizos Sociais, acompa\u00f1ada pola responsable t\u00e9cnica do departamento de Promoci\u00f3n Econ\u00f3mica, Carme Casado, deu conta da convocatoria de axudas destinadas \u00e1 consolidaci\u00f3n e ao mantemento de empresas de econom\u00eda social<\/strong>, \u00e9 dicir cooperativas, sociedades laborais, centros especiais de emprego ou empresas de inserci\u00f3n<\/strong>. Mar\u00eda Rozas explicou que as bases introducen novidades nos criterios de concesi\u00f3n das axudas, \u00abatendendo \u00e1 realidade das empresas de econom\u00eda social de Santiago, e despois de ter abordado con elas as s\u00faas necesidades\u00bb. As\u00ed, d\u00e1selle protagonismo \u00e1 presenza feminina nas empresas solicitantes, \u00abde maneira que se valorar\u00e1 que a maior\u00eda das persoas traballadoras sexan mulleres, e non s\u00f3 que esa maior\u00eda feminina se produza no capital social, como acontec\u00eda ata agora\u00bb. Ademais, introd\u00facese un novo criterio para valorar especialmente a presenza no persoal da empresa de persoas con discapacidade ou en situaci\u00f3n de risco de exclusi\u00f3n.<\/p>\n

En canto aos sectores de actividade que se van priorizar na convocatoria, \u00e1s empresas dos sectores m\u00e1is castigados pola crise da Covid como a hostaler\u00eda, o comercio e o turismo, eng\u00e1ndense agora os sectores agroalimentario, xardiner\u00eda e o sector servizos, \u00abque son aqueles nos que as empresas de econom\u00eda social te\u00f1en maior implantaci\u00f3n no noso municipio\u00bb.<\/p>\n

A concelleira de Dereitos e Servizos Sociais reiterou a aposta do Concello de Santiago polas empresas de econom\u00eda social, \u00abun modelo econ\u00f3mico que ten probada a s\u00faa maior resiliencia diante das crises econ\u00f3micas e a s\u00faa maior capacidade para crear emprego feminino e entre colectivos de dif\u00edcil inserci\u00f3n laboral\u00bb. Mar\u00eda Rozas lembrou que en Compostela existen un total de 104 entidades de econom\u00eda social activas, das que o 75% son cooperativas.<\/strong><\/p>\n

Prazos de solicitude e gastos subvencionables<\/b><\/p>\n

\u00c1 convocatoria de axudas a empresas de econom\u00eda social poden optar aquelas cooperativas, sociedades laborais, centros especiais de emprego e empresas de inserci\u00f3n que te\u00f1an iniciada a s\u00faa actividade o 1 de xaneiro de 2023, ou que a inicien dentro do per\u00edodo subvencionable, e se mante\u00f1an en activo durante o ano da convocatoria. Tam\u00e9n \u00e9 requisito para obter as axudas que as empresas te\u00f1an a s\u00faa sede social, fiscal e, polo menos, un centro de traballo, no concello de Santiago.<\/p>\n

Ter\u00e1n a consideraci\u00f3n de gastos subvencionables os considerados como correntes realizados e pagos entre o 1 de xaneiro de 2023 e o 1 de outubro de 2023<\/strong>. O importe final da subvenci\u00f3n non poder\u00e1 superar o importe m\u00e1ximo de 5.000 euros por beneficiario<\/strong>, nin o importe total do 80% dos gastos subvencionables debidamente xustificados.<\/p>\n

O PRAZO para presentar as solicitudes abrirase ao d\u00eda seguinte da publicaci\u00f3n das bases da convocatoria no Bolet\u00edn Oficial da Provincia, e finalizar\u00e1 o 31 de outubro.<\/strong><\/p>\n

\n

Documentos relacionados<\/h3>\n