O Colexio Atlántida é un centro de ensino privado concertado, que foi fundado no ano 1968. A partir do ano 1996, e a raíz da implantación da LOXSE, foi adquirido polos mestres e as menstras que traballaban no centro nese momento, pasando a organizarse dende entón en réxime de cooperativa.
Hoxe no colexio impártense ensinanzas desde as etapas de Educación Infantil (3 anos) ata 4º de ESO. O centro conta cunha amplia traxectoria docente e, na actualidade, está formado por 22 mestres/as, 16 delas son cooperativistas.
O colexio está situado no barrio de Bouzas, aínda que tamén comprende unha pequena parte dos barrios vigueses de Coia e Alcabre.
Principios educativos
Tendo en conta as normas básicas de convivencia que ten que salvagardar os valores e respectar as liberdades básicas, a ideoloxía do centro oriéntase nos seguintes principios:
- Pleno desenvolvementoo da personalidade do alumnado.
- Formación no respecto ós dereitos e liberdades fundamentais, e no exercicio á tolerancia da liberdade dentro dos principios democráticos.
- Adquisición de hábitos intelectuais e técnicas de traballo.
- Capacidade para afrontar a educación no bacharelato ou na formación profesional específica.
- Formación para a paz, cooperación e solidariedade entre os pobos.
- Ambiente de traballo responsable e solidario para que posibilite unha relación persoal completa, respectando e coidando as instalacións e o material do centro.
- Apertura á comunidade e o seu contorno: relación comunicativa e aberta ó diálogo e ó debate.
- Centro aconfesional, respectuoso con toda a tendencia ou crenza sen ánimo de influír en ningunha delas.
- A imaxe do centro será apolítica, sen ningún estereotipo ideolóxico mantendo sempre a liberdade de expresión.
- Colaborar positivamente creando unha educación coherente coas necesidades reais de cada alumna e alumno e coa unidade social na que se atopa inmera/o.
- Prestar especial atención á diversidade do alumnado, respectando as diferenzas que poidan existir entre eles/elas, tanto física e intelectuais, como culturais e relixiosas.
- Fomentar o respecto e a defensa do medio ambiente.
Niveis educativos
- Educación Infantil
- Educación Primaria
- Educación Secundaria
Actividades extraescolares
Baile Clásico ; Baile Modero; Sendeirismo; Obradoiro de Música, Aula Matinal; Xornalismo; Sinergy Didactic; e Obradoiros Manuais.
