Toca dar o salto con Nosa Enerxía! | 28 setembro, Santiago

/, Novas do cooperativismo/Toca dar o salto con Nosa Enerxía! | 28 setembro, Santiago

ENCONTRO DE NOSA ENERXÍA | SANTIAGO

Darse de alta é máis doado partillando

28/09/17 . De 18 – 22 horas

A cooperativa Nosa Enerxía realiza un convite ao Encontro de Nosa Enerxía que terá lugar o vindeiro Xoves 28 entre as 18:00 e as 22:00 no Salón Belvís do Hotel Virxe da Cerca – Santiago de Compostela.

Queren convidar a todas as persoas socias da localidade e a comarca para coñecerse e, de paso, traer xente interesada no proxecto ou que queira darse de alta en Nosa Enerxía para acceder a enerxía verde. O reto que se marcan é duplicar o número de cooperativistas en Compostela, que nestes momentos rolda as 50 persoas. Védevos capaces? Se cada unha trae unha persoa isto está feito, co positivo que pode resultar para o crecemento da cooperativa.

En todo momento estarán durante esas 4 horas persoas do Consello Reitor ca información e mesmo se poderán dar de alta de contratos e novas persoas socias alí, simplificando o proceso que viñan utilizando até o de agora.

Nosa Enerxía agarda poder contar contigo, falar da cooperativa e da situación do medio ambiente en Galicia e, de paso, axudar a que Nosa Enerxía dea un salto adiante no obxectivo de acadar un novo modelo enerxético máis xusto, democrático e sustentable.

Onde queda o Hotel Virxe da Cerca?, aquí te deixamos a dirección. O xeito máis cómodo de chegar ao Salón Belvís é pola Rúa das Trompas.

 

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies