Nadal BEN MERCADO

BEN MERCADO .. Tenda online

BEN MERCADO é unha plataforma común de venda en liña na que entidades da economía social poñen en venda os seus produtos e servizos. Unha oferta sin fin de entidades que colaboran, entre as que se atopan cooperativas, sociedades laborais e iniciativas que poñen en práctica os valores da economía social: moda ética, produción ecolóxica, inclusión social, revitalización do medio rural, etc.

A tenda da economía social galega

Estamos xa nunha das campañas de consumo máis importantes do ano e queremos contar con vós, a nosa rede máis próxima, para testear o funcionamento da tenda en liña BEN MERCADO. Estas datas poden ser unha boa oportunidade para ofrecerlles alternativas a todas as persoas preocupadas por facer un consumo responsable.

Para poñer en marcha este primeiro testeo, convidámosvos a entrar na tenda a través do enlace benmercado.gal e preparámosvos unhas imaxes coas que poderedes animar á vosa xente a comprar en BEN MERCADO a través das vosas redes sociais. Tamén preparamos unha etiqueta que poderedes imprimir e usar nos paquetes que se envíen a través de BEN MERCADO. Podedes descargalas aquí.

A campaña de BEN MERCADO vai coincidir no tempo con outras iniciativas da economía social como a que está lanzando a Unión de Cooperativas ESPAZOCOOP para poñer en valor ás empresas que traballan desde a fórmula cooperativa co distintivo #SomosCoop. Deste xeito, as sinerxías entre ambas campañas poden xerar aínda un maior impacto.

Quedamos á vosa disposición para aclarar calquera dúbida e escoitar as vosas suxerencias; e agradecémosvos, unha vez máis, o voso apoio e confianza neste proxecto ilusionante no que tantas e tantos temos posta unha grande esperanza. Queda aínda moito camiño por percorrer pero o importante é non deixar de avanzar.

Que teñades unhas boas festas e ogallá coloquemos milleiros de etiquetas de BEN MERCADO noutros tantos paquetes este Nadal!                                                                                                                            
O Equipo de Ben Mercado                                                                                                                                                
Ben Mercado

 

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies