Árbore Consumo Consciente s. coop. galega, convida a súa Festa do sábado 8 de Abril

Inicio/As cooperativas ofertan, Novas do cooperativismo/Árbore Consumo Consciente s. coop. galega, convida a súa Festa do sábado 8 de Abril

A cooperativa de consumo Árbore, convida á Festa que celebrará o sábado 8 de abril pola mañá nos seus locais de Vigo. Será un evento lúdico para gozar en familia ou coas amizades no que poden participar tanto as persoas socias coma as que non o son e así coñecer a tenda e o proxecto Árbore Consumo Consciente s. coop. galega.

O sábado 8 de abril dende as 10:30 da mañá comezan todas as actividades :

10:30 comeza o mercadiño para troco e cesión de roupa, cousas, para crianzas e nais (roupa, lactancia, embarazo…etc)

·         A organización do mercadiño xestionará a roupa de crianzas e nais nunha mesa e percheiro especialmente adicadas a isto. Toda a roupa que non se leve se entregará á asociación AYUVI para nais e crianzas desfavorecidas.

Para mellor organización do mercadiño ou se tes calquera dúbida por favor ponte en contacto con nós(david@arbore.org).

·         Todo o que se traia debe estar en bo estado.

·         Poderás levar o que necesites, non é necesario aportar prendas previamente.

·         Haberá outro espazo autoxestionado para troco e cesión de roupa de adult@s, sempre que recollas o que trouxeches se ninguén o levou antes.

·         Colabora coa organización a que o mercadiño manteña un mínimo de orde, coloca as cousas onde estaban e como estaban.

Tamén pensamos n@s máis pequen@s. Ás 11:30 Begoña fará un obradoiro para pintar con lá cardada.

Non pode haber unha festa sen música! ás 12:30 concerto de #Díese#, non perdas a oportunidade de ver en directo a este grupo folk de 12 músic@s|| a nosa cooperativa volve encherse de música!

E por último, un clásico de Árbore, trae algo para partillar no xantar, teremos a oportunidade de coñecernos mellor noutro xantar compartido.

 

 

2017-03-31T15:58:02+00:00 31/03/2017|As cooperativas ofertan, Novas do cooperativismo|0 Comments

Deje su comentario

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies